ഇടുക്കി വള്ളക്കടവ് പുതുവലില്‍ പുലി ഇറങ്ങി; ദൃശ്യങ്ങള്‍ പുറത്ത്

ഇടുക്കി| ഇടുക്കി അയ്യപ്പന്‍കോവില്‍ ചപ്പാത്ത് വള്ളക്കടവ് പുതുവലില്‍ പുലി ഇറങ്ങി. ഇന്നലെ രാത്രി 11 മണിയോടെയാണ് പുലി ഇറങ്ങിയത്. പ്രദേശവാസിയുടെ വീട്ടിലെ സി സി ടി വി യില്‍ പുലിയുടെ ദൃശ്യങ്ങള്‍ വ്യക്തമായി കാണാം. നാട്ടുകാര്‍ വനപാലകരെ വിവരം അറിയിച്ചു.

വള്ളക്കടവ് ഹെലിബറിയ ക്ഷേത്രത്തിന്റെ കാണിക്കവഞ്ചിക്ക് സമീപത്ത് വച്ച് ഓട്ടോ റിക്ഷ ഡ്രൈവറായ ബിജുവാണ് പുലിയെ ആദ്യം കണ്ടത്. പിന്നീട് ഹെലിബറിയ സ്വദേശി ഫീലിപ്പോസിന്റെ ആടുകളെ പുലി ആക്രമിച്ചു. ഇവിടെയുള്ള സി സി ടിവിയിലാണ് പുലിയുടെ ദൃശ്യങ്ങള്‍ കിട്ടിയത്.