കോട്ടയത്ത് ടിപ്പര്‍ ലോറി പാറമടക്കുളത്തിലേക്ക് മറിഞ്ഞു; ഡ്രൈവര്‍ കുടുങ്ങിക്കിടക്കുന്നതായി സംശയം

കോട്ടയം | മറിയപ്പള്ളി മുട്ടത്ത് ടിപ്പര്‍ ലോറി പാറമടക്കുളത്തിലേക്ക് മറിഞ്ഞു. ഡ്രൈവര്‍ ലോറിക്കുള്ളില്‍ കുടുങ്ങിയതായാണ് സംശയം. വളവ് തിരിയുന്നതിനിടെ തിട്ട ഇടിഞ്ഞ് ലോറി പാറമടയിലേക്ക് മറിയുകയായിരുന്നു. രാത്രി 9.30ഓടെയായിരുന്നു സംഭവം നാട്ടുകാരുടേയും ഫയര്‍ഫോഴ്സിന്റേയും നേതൃത്വത്തില്‍ രക്ഷാപ്രവര്‍ത്തനം പുരോഗമിക്കുകയാണ്.

സമീപത്തുള്ള ഗോഡൗണിലേക്ക് ലോഡുമായി എത്തിയ ലോറിയാണ് അപകടത്തില്‍പ്പെട്ടത്. ഫയര്‍ഫോഴ്സും മുങ്ങല്‍ വിദഗ്ദ്ധരും സ്ഥലത്ത് എത്തിയിട്ടുണ്ട്.