National
ബിഹാറിലെ വിഷ മദ്യദുരന്തം; മരണം 37 ആയി
2016 മുതല്‍ പല തവണയായി ഉണ്ടായ വ്യാജ മദ്യ ദുരന്തങ്ങളില്‍ ബിഹാറില്‍ 350 ലധികം പേര്‍ മരിച്ചിട്ടുണ്ട്.
പട്‌ന | ബീഹാറിലെ സിവാന്‍ സിരണ്‍ ജില്ലകളിലുണ്ടായ വിഷമദ്യദുരന്തത്തില്‍ മരിച്ചവരുടെ എണ്ണം 37ആയി.നിരവധി പേര്‍ ആശുപത്രിയില്‍ ചികിത്സയിലാണ്. വ്യാഴാഴ്ചയാണ് ബിഹാറില്‍ വിഷമദ്യ ദുരന്തം ഉണ്ടായത്.സംഭവത്തെ തുടര്‍ന്ന് പ്രത്യേക സംഘം 250 ഇടങ്ങളിലായി നടത്തിയ റെയിഡില്‍ 1650 ലിറ്റര്‍ മദ്യം പിടിച്ചെടുത്തിരുന്നു.
സിവാനില്‍ മാത്രം മരണസംഖ്യ 28 ആയി ഉയര്‍ന്നപ്പോള്‍ സരണില്‍ മരണസംഖ്യ ഒമ്പതായി. ചികിത്സയിലുള്ളവര്‍ സിവാന്‍ സദര്‍ ആശുപത്രിയിലും പട്‌ന മെഡിക്കല്‍ കോളജിലുമാണ് ചികിത്സയിലുള്ളത്.
സംഭവത്തെ തുടര്‍ന്ന് ബിഹാര്‍ മുഖ്യമന്ത്രി നിതീഷ് കുമാര്‍ എക്സൈസ് വകുപ്പിലെ ഉദ്യോഗസ്ഥരുമായി ഉന്നതതല അവലോകന യോഗം നടത്തി. ദുരന്തത്തെക്കുറിച്ച് അന്വേഷിക്കാന്‍ അഡീഷണല്‍ ഡയറക്ടര്‍ ജനറല്‍ റാങ്കിലുള്ള ഉദ്യോഗസ്ഥന്റെ നേതൃത്വത്തില്‍ അന്വേഷണത്തിനും ഉത്തരവിട്ടിട്ടുണ്ട്. സംസ്ഥാനത്ത് മദ്യനിരോധനം കര്‍ശനമായി നടപ്പാക്കണമെന്ന് യോഗത്തില്‍ മുഖ്യമന്ത്രി ആവശ്യപ്പെട്ടു. 2016 മുതല്‍ പല തവണയായി ഉണ്ടായ വ്യാജ മദ്യ ദുരന്തങ്ങളില്‍ ബിഹാറില്‍ 350 ലധികം പേര്‍ മരിച്ചിട്ടുണ്ട്.
Latest
വന്ധ്യതാ നിവാരണം: ബന്ധപ്പെട്ട എല്ലാ സ്ഥാപനങ്ങളും രജിസ്‌ട്രേഷന്‍ നടത്തണം: ആരോഗ്യ മന്ത്രി
വരുന്നു, ഇന്‍സ്റ്റഗ്രാമിന് സുരക്ഷാപ്പൂട്ട്!
കള്ളപ്പണം വെളുപ്പിക്കൽ: എഎപി നേതാവ് സത്യേന്ദർ ജെയിന് ജാമ്യം
ചെന്നൈയില്‍ ഹിന്ദി ഭാഷാ മാസാചരണം; പ്രതിഷേധവുമായി പ്രധാനമന്ത്രിക്ക് കത്തയച്ച് എം കെ സ്റ്റാലിന്‍
എന്റെ ചുറ്റും ഇരുട്ട് മാത്രം; വേദനയും നഷ്‌ടബോധവും പറഞ്ഞറിയിക്കാന്‍ വാക്കുകളില്ല: നവീൻ ബാബുവിന്റെ കുടുംബത്തോട് മാപ്പ് ചോദിച്ച് കണ്ണൂർ കലക്‌ടർ
സരിന് പാര്‍ട്ടി ചിഹ്നം നല്‍കില്ല; സ്വതന്ത്ര ചിഹ്നത്തില്‍ മത്സരിപ്പിക്കാന്‍ സി പി എം തീരുമാനം
