ട്രാക്കില്‍ അറ്റകുറ്റപണി: കോട്ടയം-എറണാകുളം റൂട്ടില്‍ ട്രെയിനുകള്‍ വൈകിയോടുന്നു

കോട്ടയം| ട്രാക്കില്‍ അറ്റകുറ്റപ്പണി നടക്കുന്നതിനാല്‍ കോട്ടയം-എറണാകുളം റൂട്ടില്‍ ട്രെയിനുകള്‍ വൈകിയോടുന്നു. വന്ദേ ഭാരത് കൃത്യസമയം പാലിക്കുന്നു. കുമാരനെല്ലൂരില്‍ റെയില്‍വെ ട്രാക്കില്‍ അറ്റകുറ്റപണികള്‍ നടക്കുന്നതാണ് ട്രെയിനുകള്‍ വൈകാന്‍ കാരണം. 4.05 ന് പുറപ്പെടേണ്ട കൊല്ലം-മച്ചിലിപട്ടണം ശബരിമല സ്‌പെഷ്യല്‍ 3 മണിക്കൂര്‍ വൈകി 7.08 നാണ് പുറപ്പെട്ടത്. 5.15 ന് പുറപ്പെടേണ്ട കോട്ടയം-നിലമ്പൂര്‍ എക്‌സ്പ്രസ്സ് 1.15 മണിക്കൂര്‍ വൈകി 7.26 നാണ് പുറപ്പെട്ടത്.

എട്ട് മണിക്ക് ശേഷമുള്ള വേണാട്, പരശുറാം, ശബരി, എന്നീ ട്രെയിനുകള്‍ കൃത്യ സമയം പാലിക്കുമെന്നും റെയില്‍വേ അറിയിച്ചു.