ടി ടി എ ഫൈസി പൊഴുതന അന്തരിച്ചു

താമരശ്ശേരി | പ്രമുഖ എഴുത്തുകാരനും കേരള മുസ്ലിം ജമാഅത്ത് കൈതപ്പൊയിൽ സർക്കിൾ പ്രസിഡന്റുമായ വെസ്റ്റ് കൈതപ്പൊയിലിൽ താമസിക്കുന്ന ടി ടി എ ഫൈസി പൊഴുതന (ടി ടി അലവിക്കുട്ടി ഫൈസി 61) അന്തരിച്ചു. എസ് വൈ എസ് പുതുപ്പാടി സർക്കിൾ പ്രസിഡന്റായി പ്രവർത്തിച്ചിട്ടുണ്ട്. മണൽവയൽ അൽ അബ്‌റാർ കൾച്ചറൽ സെന്റർ വൈസ് പ്രസിഡന്റാണ്.

ഈങ്ങാപ്പുഴ ദാറുൽ ഹിദായ, പാലക്കൽ ജുമുഅമസ്ജിദ്, അടിവാരം നുസ്രത്ത്, ഒടുങ്ങാക്കാട് കേന്ദ്ര മദ്‌റസ, എറണാകുളം കരിമക്കാട്, പാനായിക്കുളം എന്നിവിടങ്ങളിൽ സേവനമനുഷ്ഠിച്ചിട്ടുണ്ട്. മയ്യിത്ത് നിസ്‌കാരം ഇന്ന് രാവിലെ ഒന്പതിന് കൈതപ്പൊയിൽ ജുമുഅ മസ്ജിദിൽ.

ഭാര്യ: ഫാത്വിമ. മക്കൾ: ശബീബ് അസ്‌ലം, ഷമീം, ശഫീഖ തസ്‌നീം, ശക്കീൽ അഹ്മദ്. മരുമക്കൾ: മുജീബുറഹ്മാൻ (സഉദി), ശമീറ. സഹോദരങ്ങൾ: ബീരാൻ, ആലിക്കുട്ടി, കദിയുമ്മ, ഇയ്യാത്തു, ഫാത്വിമ, പരേതനായ ഹൈദ്രു.