തന്റെ മല്ലപ്പള്ളി പ്രസംഗം വളച്ചൊടിച്ചു: സജി ചെറിയാന്‍

തിരുവനന്തപുരം | ഭരണഘടനാ മൂല്ല്യങ്ങള്‍ക്ക് ശാക്തീകരണം വേണമെന്നാണ് താന്‍ പറഞ്ഞതെന്ന് നിയമസഭയില്‍ സജി ചെറിയാന്‍. മല്ലപ്പള്ളിയില്‍ താന്‍ നടത്തിയ പ്രസംഗം വളച്ചൊടിക്കുകയായിരുന്നെന്നും ചട്ടം 64 പ്രകാരമുള്ള പ്രത്യേക പ്രസ്താവനയായി സജി ചെറിയാന്‍ പറഞ്ഞു.

ഭരണഘടനക്കെതിരെ ഒന്നും താന്‍ പറഞ്ഞിട്ടില്ല. ഭരണഘടന സംരക്ഷിക്കണമെന്നാണ് താന്‍ ഉദ്ദേശിച്ചത്. ഭരണഘടനാ മൂല്ല്യങ്ങള്‍ ഉയര്‍ത്തിപ്പിടിക്കുന്ന പൊതുപ്രവര്‍ത്തകനാണ് ഞാന്‍. അംബേദ്ക്കറെ അപമാനിച്ചിട്ടില്ല. അംബേദ്ക്കര്‍ ഇന്ത്യന്‍ തൊഴിലാളി വര്‍ഗത്തിന്റെ സംരക്ഷകനാണ്. ഉന്നത ധാര്‍മിക മൂല്ല്യങ്ങള്‍ ഉയര്‍ത്തിപ്പിടിച്ചാണ് രാജിവെച്ചത്. ജനങ്ങള്‍ക്കൊപ്പം ഇനിയും മുന്നിലുണ്ടാകുമെന്നും സജി ചെറിയാന്‍ കൂട്ടിച്ചേര്‍ത്തു.