Kerala
ചാലക്കുടിയില്‍ ഡ്രൈനേജ് ടാങ്ക് വൃത്തിയാക്കാന്‍ ഇറങ്ങിയ രണ്ടുപേര്‍ ശ്വാസം മുട്ടിമരിച്ചു
ശ്രമകരമായ ദൗത്യത്തിലൂടെയാണ് ഇരുവരെയും പുറത്തെത്തിച്ചതെന്ന് ഫയര്‍ഫോഴ്സ് ഉദ്യോഗസ്ഥര്‍ പറഞ്ഞു.
തൃശൂര്‍| ചാലക്കുടി കാരൂരില്‍ ഡ്രൈനേജ് ടാങ്ക് വൃത്തിയാക്കാന്‍ ഇറങ്ങിയ രണ്ട് പേര്‍ ശ്വാസം മുട്ടി മരിച്ചു. കാരുര്‍ സ്വദേശികളായ ജിതേഷ് (42) സുനില്‍ കുമാര്‍ (52) എന്നിവരാണ് മരിച്ചത്.
ഇന്ന് ഉച്ചക്ക് 2.15ഓടെ റോയല്‍ ബേക്കേഴ്‌സിന്റെ നിര്‍മ്മാണ യൂണിറ്റിനോട് ചേര്‍ന്ന മാലിന്യക്കുഴിയിലാണ് അപകടം ഉണ്ടായത്.
രണ്ടുപേര്‍ ടാങ്കിനകത്ത് കുടുങ്ങിയതായി വിവരം ലഭിച്ചതിനെ തുടര്‍ന്ന് ഫയര്‍ഫോഴ്സ് ഉദ്യോഗസ്ഥര്‍ സ്ഥലത്തെത്തുകയായിരുന്നു. ഡ്രൈനജ് ടാങ്കിനുള്ളില്‍ ഒട്ടും ഓക്സിജന്റെ സാന്നിധ്യം ഇല്ലായിരുന്നെന്നും ശ്രമകരമായ ദൗത്യത്തിലൂടെയാണ് ഇരുവരെയും പുറത്തെത്തിച്ചതെന്നും ഫയര്‍ഫോഴ്സ് ഉദ്യോഗസ്ഥര്‍ പറഞ്ഞു.
പുറത്തെടുത്ത ഇരുവരെയും ഉടനടി സമീപത്തെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
Latest
സംസ്ഥാനത്ത് മഴ കനക്കും; മൂന്ന് ജില്ലകളില്‍ ഇന്ന് ഓറഞ്ച് അലര്‍ട്ട്
സൈബര്‍ അതിക്രമത്തെ നിയമപരമായി നേരിടും; ചിന്ത ജെറോം
സ്വയം പ്രസവമെടുത്തു; ചാലക്കുടിയില്‍ യുവതിയുടെ കുഞ്ഞ് മരിച്ചു
വീഡിയോ ചിത്രീകരിക്കുന്നതിനിടെ മരണം; രണ്ട് പേരുടെ ലൈസന്‍സ് സസ്‌പെന്‍ഡ് ചെയ്യും
അലര്‍ജി ആകണമെന്നില്ല; രാവിലെ എഴുന്നേല്‍ക്കുമ്പോള്‍ തുമ്മുന്നത് എന്തുകൊണ്ട്?
പാല് മാത്രമല്ല ഇവയും കാല്‍സ്യത്തിന്റെ മികച്ച ഉറവിടങ്ങളാണ്
