വയനാട്ടിൽ സ്വകാര്യ റിസോർട്ടിനു സമീപത്തെ മരത്തിൽ രണ്ടുപേരെ മരിച്ച നിലയിൽ കണ്ടെത്തി

വൈത്തിരി | വയനാട്ടില്‍ സ്വകാര്യ റിസോര്‍ട്ടിന്റെ പരിസരത്തെ മരത്തില്‍ പുരുഷനും സ്ത്രീയും തൂങ്ങിമരിച്ച നിലയില്‍.കോഴിക്കോട് കൊയിലാണ്ടി നടേരി ഓര്‍ക്കിഡ് ഹൗസില്‍ പ്രമോദ്, ഉള്ള്യേരി നാറാത്ത് ബിന്‍സി എന്നിവരാണ് മരിച്ചത്.

ഇരുവരും ഇന്നലെയാണ് റിസോര്‍ട്ടില്‍ മുറിയെടുത്തത്. ഇന്ന് രാവിലെ റിസോർട്ടിലെ  ജീവനക്കാരാണ് രണ്ടുപേരെയും തൂങ്ങിമരിച്ച നിലയില്‍  കണ്ടത്.

പോലീസ് സ്ഥലത്തെത്തി തുടര്‍നടപടികള്‍ സ്വീകരിച്ചു. സംഭവത്തില്‍ അന്വേഷണം ആരംഭിച്ചു.

(ശ്രദ്ധിക്കുക, ആത്മഹത്യ ഒന്നിനും പരിഹാരമല്ല, മാനസികാരോഗ്യവിദഗ്ധരുടെ സഹായം തേടാം. Helpline 1056. 0471 – 2552056)