നെയ്യാറ്റിന്‍കരയില്‍ എംഡിഎംഎയുമായി നിയമ വിദ്യാര്‍ത്ഥി ഉള്‍പ്പെടെ രണ്ടുപേര്‍ പിടിയില്‍

തിരുവനന്തപുരം|നെയ്യാറ്റിന്‍കരയ്ക്ക് സമീപം എംഡിഎംഎയുമായി നിയമ വിദ്യാര്‍ത്ഥി ഉള്‍പ്പെടെ രണ്ടുപേര്‍ എക്‌സൈസ് പിടിയില്‍. എക്‌സൈസിന്റെ മിന്നല്‍ പരിശോധനയില്‍ പാറശാല കോഴിവിള സ്വദേശി സല്‍മാന്‍ (23), വള്ളക്കടവ് സ്വദേശി സിദ്ധിക് (34) എന്നിവരെയാണ് പിടികൂടിയത്. ഇവരില്‍ നിന്ന് 21 ഗ്രാം എം ഡി എം എ കണ്ടെത്തി.

സല്‍മാന്‍ പാറശാലക്ക് സമീപത്തെ ലോ കോളജിലെ രണ്ടാം സെമസ്റ്റര്‍ വിദ്യാര്‍ത്ഥിയാണ്. ബെംഗളുരുവില്‍ നിന്ന് ശേഖരിച്ച എം ഡി എം എ ബസില്‍ നാഗര്‍കോവിലില്‍ എത്തിച്ചു. അവിടെനിന്ന് ബൈക്കില്‍ തിരുവനന്തപുരത്തേക്ക് കൊണ്ടുപോകാന്‍ ശ്രമിക്കുന്നതിനിടെയാണ് കോവളം കാരോട് ബൈപ്പാസിന്റെ തിരിപുറം മണ്ണക്കല്ലില്‍വെച്ച് എക്‌സൈസ് പിടികൂടിയത്.