മുംബൈയില്‍ ഇരുനില കെട്ടിടം തകര്‍ന്നുവീണു; ഏഴുപേര്‍ക്ക് പരിക്ക്

മുംബൈ| മുംബൈയിലെ ആന്റോപ്പ് ഹില്‍ ഏരിയയില്‍ വീട് തകര്‍ന്നുവീണതായി റിപ്പോര്‍ട്ട്. ചൊവ്വാഴ്ച രാവിലെ എട്ടുമണിക്ക് ശേഷമാണ് അപകടം. ആന്റോപ് ഹില്ലിലെ ജയ് മഹാരാഷ്ട്ര നഗറിലെ ഇരുനിലകെട്ടിടം തകര്‍ന്നുവീഴുകയായിരുന്നു. കെട്ടിടാവശിഷ്ടങ്ങള്‍ക്കിടയില്‍ നിന്ന് ഒമ്പതുപേരെ ഇതുവരെ രക്ഷപ്പെടുത്തിയതായി രക്ഷാപ്രവര്‍ത്തകര്‍ അറിയിച്ചു.

അപകടത്തില്‍ ഏഴുപേര്‍ക്ക് പരിക്കേറ്റിട്ടുണ്ട്. കെട്ടിടാവശിഷ്ടങ്ങള്‍ക്കിടയില്‍ നിരവധിപേര്‍ കുടുങ്ങി കിടക്കുന്നതായി സംശയം. പരിക്കേറ്റവരെ തൊട്ടടുത്ത ആശുപത്രിയില്‍ പ്രവേശിച്ചു. എത്രപേര്‍ കുടുങ്ങി കിടക്കുന്നുണ്ടെന്ന വിവരം വ്യക്തമല്ല. അഗ്‌നി രക്ഷാ സേനയുടെ നാലു വാഹനങ്ങള്‍ സംഭവ സ്ഥലത്തെത്തിയിട്ടുണ്ട്. സുരക്ഷ സേനയുടെയും പോലീസിന്റെയും നേതൃത്വത്തില്‍ രക്ഷാപ്രവര്‍ത്തനം തുടരുകയാണ്.