നിര്‍മാണത്തിലിരുന്ന വീട് തകര്‍ന്ന് രണ്ടു തൊഴിലാളികള്‍ മരിച്ചു

നാദാപുരം | നിര്‍മാണത്തിലിരുന്ന വീടിന്റെ ഒരുഭാഗം തകര്‍ന്ന് രണ്ടു തൊഴിലാളികള്‍ക്ക് ദാരുണാന്ത്യം. നാദാപുരം വളയത്തിനു സമീപം കൊമ്മാട്ടുപൊയിലിലാണ് അപകടമുണ്ടായത്. വിഷ്ണു, നവജിത്ത് എന്നിവരാണ് മരിച്ചത്.

ബുധനാഴ്ച രാവിലെ പത്തരയോടെയായിരുന്നു അപകടം. തകര്‍ന്നുവീണ വീടിന്റെ അവശിഷ്ടങ്ങള്‍ക്കിടയില്‍ അകപ്പെട്ടാണ് രണ്ടു തൊഴിലാളികളും മരിച്ചത്. ഇവര്‍ക്കൊപ്പമുണ്ടായിരുന്ന മൂന്നു പേര്‍ക്ക് ഗുരുതരമായി പരുക്കേറ്റു. നാട്ടുകാര്‍ രക്ഷപ്പെടുത്തിയ ഇവരെ ആശുപത്രിയില്‍ പ്രവേശിപ്പിച്ചു.

വീടുനിര്‍മാണത്തിനിടെ സണ്‍ഷെയ്ഡിന്റെ ഭാഗം തകര്‍ന്നുവീഴുകയായിരുന്നു.