Kerala
പാലായില്‍ കഞ്ചാവുമായി രണ്ട് യുവാക്കള്‍ പിടിയില്‍
പാലാ എക്‌സൈസ് റേഞ്ച് ഇന്‍സ്‌പെക്ടര്‍ ദിനേശ് ബി യുടെ നേതൃത്വത്തിലുള്ള സംഘം നടത്തിയ പരിശോധനയിലാണ് പ്രതികളെ പിടികൂടാന്‍ സാധിച്ചത്.
കോട്ടയം | കോട്ടയം പാലായില്‍ കഞ്ചാവുമായി രണ്ട് യുവാക്കള്‍ പിടിയില്‍. പശ്ചിമബംഗാള്‍ മുര്‍ഷിദാബാദ് സ്വദേശികളായ ആരിഫ് അഹമ്മദ് (21),ട്യൂട്ടല്‍ (24) എന്നിവരാണ് എക്‌സൈസിന്റെ പിടിയിലായത്. പാലാ എക്‌സൈസ് റേഞ്ച് ഇന്‍സ്‌പെക്ടര്‍ ദിനേശ് ബി യുടെ നേതൃത്വത്തിലുള്ള സംഘം നടത്തിയ പരിശോധനയിലാണ് പ്രതികളെ പിടികൂടാന്‍ സാധിച്ചത്.
കഞ്ചാവ് ട്രെയിന്‍ മാര്‍ഗം കോട്ടയത്ത് എത്തിച്ച ശേഷം ബസില്‍ പാലായില്‍ കൊണ്ടുവന്ന് ഇതര സംസ്ഥാന തൊഴിലാളികള്‍ക്കിടയില്‍ വിതരണം ചെയ്യുന്നതാണ് പ്രതികളുടെ രീതി. പ്രതികള്‍ ട്രെയിനിലൂടെ കഞ്ചാവ് കടത്താന്‍ തുടങ്ങിയിട്ട്‌ ഏറെ നാളായി എന്നത്‌ അന്വേഷണത്തില്‍ വ്യക്തമായതായി ഉദ്യോഗസ്ഥര്‍ പറഞ്ഞു. പ്രതികളുടെ സംഘത്തില്‍ ഇനിയും ആളുകള്‍ ഉണ്ടോയെന്നത് ഉള്‍പ്പെടെയുള്ള കാര്യങ്ങള്‍ അറിയാന്‍ എക്‌സൈസ് സംഘം അന്വേഷണം ഊര്‍ജിതമാക്കിയിരിക്കുകയാണ്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
Latest
കോട്ടയം സ്വദേശിയയെ കാനഡയില്‍ മരിച്ച നിലയില്‍ കണ്ടെത്തി
ആശുപത്രിയിലേയ്ക്ക് കൊണ്ടുപോകുന്നതിനിടെ ആദിവാസി യുവതി ജീപ്പില്‍ പ്രസവിച്ചു
പൂരം കലക്കല്‍ കേസ്; കേരള പോലീസിന് തെളിയിക്കാന്‍ സാധിക്കില്ലെങ്കില്‍ സി ബി ഐക്ക് വിടണമെന്ന് തിരുവമ്പാടി ദേവസ്വം
എം ആര്‍ അജിത്കുമാറിനെതിരെ നടപടി ആവശ്യപ്പെട്ട് പി വിജയന്‍ രംഗത്ത്; ഐ പി എസ് തലത്തില്‍ പുതിയ പോര്
സാബു ജീവനൊടുക്കിയ സംഭവം; ബേങ്ക് ജീവനക്കാരുടെ മൊഴി പ്രത്യേക അന്വേഷണ സംഘം ഇന്ന് രേഖപ്പെടുത്തും
പൂരം കലക്കല്‍; തിരുവമ്പാടി ദേവസ്വത്തിലെ ചിലര്‍ ഗൂഢാലോചന നടത്തിയെന്ന് എം ആര്‍ അജിത് കുമാര്‍
