മലപ്പുറത്ത് ബൈക്കുകള്‍ നേര്‍ക്കുനേര്‍ കൂട്ടിയിടിച്ചു; രണ്ട് യുവാക്കള്‍ മരിച്ചു

മലപ്പുറം |  കോട്ടക്കലിലെ പുത്തൂര്‍ ബൈപാസില്‍ ബൈക്കുകള്‍ കൂട്ടിയിടിച്ച് രണ്ടു പേര്‍ മരിച്ചു.ശനിയാഴ്ച വൈകിട്ട് മൂന്നോടെയാണ് അപകടം.പുത്തൂര്‍ ഭാഗത്ത് നിന്നും കാവതികളം ഭാഗത്ത് നിന്നും വന്ന ബൈക്കുകള്‍ നേര്‍ക്കുനേര്‍ കൂട്ടിയിടിക്കുകയായിരുന്നു.കാവതികളം ആലമ്പാട്ടില്‍ അബ്ദുറഹ്മാന്റെ മകന്‍ മുഹമ്മദ് റിഷാദ് (19), കാടാമ്പുഴ മരവട്ടം പാട്ടത്തൊടി ഹമീദിന്റെ മകന്‍ പി ടി ഹംസ(24) എന്നിവരാണ് മരിച്ചത്.

രണ്ടുപേര്‍ വീതമായിരുന്നു ഓരോ ബൈക്കിലും ഉണ്ടായിരുന്നത്. കാവതികളം കുറുവക്കോട്ടില്‍ സിദ്ധിഖിന്റെ മകന്‍ സിയാദ്, കോട്ടൂര്‍ കാലൊടി ഉണ്ണിന്‍ കുട്ടിയുടെ മകന്‍ മുഹമ്മദ് ഇര്‍ഷാദ് എന്നിവര്‍ ഗുരുതര പരുക്കുകളോടെ കോട്ടക്കലിലെ സ്വകാര്യ ആശുപത്രിയില്‍ ചികിത്സയിലാണ്.