uae national day
യു എ ഇ ദേശീയ ദിനാഘോഷം; ശൈഖ ഫാത്വിമ പാര്‍ക്ക് പൊതു ജനങ്ങള്‍ക്കായി തുറന്ന് കൊടുത്തു
അബൂദബി ഡിപ്പാര്‍ട്‌മെന്റ് ഓഫ് മുനിസിപ്പാലിറ്റീസ് ആന്‍ഡ് ട്രാന്‍സ്പോര്‍ട്ട് തലവന്‍ ഫലാഹ് മുഹമ്മദ് അല്‍ അഹ്ബാബി ഫാത്വിമ പാര്‍ക്ക് ഉദ്ഘാടനം ചെയ്തു
അബൂദബി | യു എ ഇ യുടെ അമ്പതാം ദേശീയദിനാഘോഷങ്ങളുടെ ഭാഗമായി ഖാലിദിയയിലെ അല്‍ ബതീന്‍ സ്ട്രീറ്റില്‍ നിര്‍മ്മിച്ചിട്ടുള്ള ശൈഖ ഫാത്വിമ പാര്‍ക്ക് പൊതു ജനങ്ങള്‍ക്കായി തുറന്നു കൊടുത്തു. ഉദ്ഘാടന ചടങ്ങുകളുടെ ഭാഗമായി പാര്‍ക്കില്‍ വെച്ച് കലാപരിപാടികള്‍, സംഗീത പരിപാടികള്‍, കായിക ഇനങ്ങള്‍, കുട്ടികളുടെ വിനോദ പരിപാടികള്‍, ഔട്ട്‌ഡോര്‍ സിനിമ, ഫോട്ടോഗ്രാഫി പ്രദര്‍ശനം മുതലായ പരിപാടികള്‍ സംഘടിപ്പിച്ചിരുന്നു.
അബൂദബി ഡിപ്പാര്‍ട്‌മെന്റ് ഓഫ് മുനിസിപ്പാലിറ്റീസ് ആന്‍ഡ് ട്രാന്‍സ്പോര്‍ട്ട് തലവന്‍ ഫലാഹ് മുഹമ്മദ് അല്‍ അഹ്ബാബി ഫാത്വിമ പാര്‍ക്ക് ഉദ്ഘാടനം ചെയ്തു. ജനങ്ങള്‍ക്കിടയില്‍ ആരോഗ്യപരമായ ജീവിത ശീലങ്ങള്‍ പ്രോത്സാഹിപ്പിക്കുന്നതിനായാണ് 46000 സ്‌ക്വയര്‍ മീറ്ററില്‍ അല്‍ ബതീന്‍ സ്ട്രീറ്റില്‍ പാര്‍ക്ക് നവീകരണം പൂര്‍ത്തിയാക്കി പൊതുജനങ്ങള്‍ക്ക് തുറന്ന് കൊടുത്തിരിക്കുന്നത്. ശൈഖ ഫാത്വിമ ബിന്‍ത് മുബാറകിന്റെ പൈതൃകം, നേട്ടങ്ങള്‍ എന്നിവയില്‍ നിന്ന് പ്രചോദനമുള്‍ക്കൊണ്ടാണ് ഈ പുതിയ പാര്‍ക്ക് നിര്‍മ്മിച്ചിരിക്കുന്നത്. അബൂദബി കോര്‍ണിഷില്‍ നിന്ന് ഏതാനും മിനിറ്റുകള്‍ കൊണ്ട് ഈ പുതിയ പാര്‍ക്കിലേക്ക് എത്തിച്ചേരാവുന്നതാണ്.
അബൂദബി മുനിസിപ്പാലിറ്റിയുടെ കീഴിലുള്ള ഡിപ്പാര്‍ട്‌മെന്റ് ഓഫ് മുനിസിപ്പാലിറ്റീസ് ആന്‍ഡ് ട്രാന്‍സ്പോര്‍ട്ട്, ഇമകന്‍ പ്രോപ്പര്‍ടീസ് എന്നിവര്‍ സംയുക്തമായാണ് ഈ പാര്‍ക്ക് ഒരുക്കിയത്. ഭക്ഷണവില്പനശാലകള്‍, ചില്ലറ വില്പനശാലകള്‍ എന്നിവ പാര്‍ക്കില്‍ ഒരുക്കിയിട്ടുണ്ട്.
Latest
വയനാട് ദുരന്തം: കേന്ദ്ര അവഗണനക്കെതിരെ ചൊവ്വാഴ്ച ജില്ലയില്‍ യു ഡി എഫ് ഹര്‍ത്താല്‍
മണ്ഡലകാല പൂജ; ശബരിമല നട തുറന്നു
വയനാട് ദുരന്തം: കേന്ദ്ര അവഗണനക്കെതിരെ സി പി ഐ നവംബര്‍ 21ന് പ്രതിഷേധ മാര്‍ച്ചുകള്‍ സംഘടിപ്പിക്കും
2018ല്‍ പാലക്കാട് വീട് വാങ്ങി; ഈ വീടിന്റെ പേരില്‍ വോട്ടര്‍ ഐ ഡിക്ക് അപേക്ഷിച്ചാല്‍ എന്താണ് തെറ്റെന്ന് സരിന്‍
പ്രധാനമന്ത്രിയുടെ വിമാനത്തിന് സാങ്കേതികത്തകരാര്‍; ഡല്‍ഹിയിലേക്കുള്ള തിരിച്ചുപോക്ക് വൈകും
വയനാട് കേന്ദ്രസഹായം: കെ വി തോമസ് പാര്‍ട്ടിക്കൊപ്പം തലച്ചോറും മാറിയോയെന്ന് വി മുരളീധരന്‍
