ആശുപത്രിയിൽ ചികിത്സയിൽ കഴിയുന്ന അഫ്ഗാൻ പ്രധാനമന്ത്രിയെ യു എ ഇ പ്രസിഡന്റ് സന്ദർശിച്ചു

അബൂദബി | യു എ ഇയിലെ ആശുപത്രിയിൽ ചികിത്സയിൽ കഴിയുന്ന അഫ്ഗാനിസ്ഥാൻ പ്രധാനമന്ത്രി മുല്ല മുഹമ്മദ് ഹസൻ അഖുന്ദിനെ യു എ ഇ പ്രസിഡന്റ‌് ശൈഖ് മുഹമ്മദ് ബിൻ സായിദ് അൽ നഹ്്യാൻ സന്ദർശിച്ചു. അദ്ദേഹത്തിന്റെ ആരോഗ്യവിവരങ്ങൾ ചോദിച്ചറിഞ്ഞു.

വികസന പദ്ധതികളിലൂടെയും അഫ്ഗാനിസ്ഥാനിലെ പുനർനിർമാണത്തിനും വികസനത്തിനുമുള്ള പിന്തുണയിലൂടെ അഫ്ഗാൻ ജനതക്ക് മാനുഷിക സഹായം നൽകുന്നതിൽ യു എ ഇയുടെ ചരിത്രപരമായ പങ്കിനെ അഫ്ഗാൻ പ്രധാനമന്ത്രി പ്രശംസിക്കുകയും യു എ ഇ പ്രസിഡന്റിന് അഭിനന്ദനം അറിയിക്കുകയും ചെയ്തു.