Uae

യു എ ഇ ഭരണാധികാരികൾ അൽ മർമൂമിൽ കൂടിക്കാഴ്ച നടത്തി

അനുഗ്രഹീതമായ റമസാൻ മാസത്തിൽ യു എ ഇക്കും ജനങ്ങൾക്കും അഭിവൃദ്ധിയും അനുഗ്രഹവും ഉണ്ടാവണമെന്ന് ഇരുവരും പ്രാർഥിച്ചു.

Published

Mar 20, 2025 1:26 pm |

Last Updated

Mar 20, 2025 1:26 pm

വെബ് ഡെസ്‌ക്

ദുബൈ| യു എ ഇ പ്രസിഡന്റ്ശൈഖ് മുഹമ്മദ് ബിൻ സായിദ് അൽ നഹ്്യാൻ യു എ ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് അൽ മക്തൂമുമായി ദുബൈയിലെ അൽ മർമൂമിൽ കൂടിക്കാഴ്ച നടത്തി. യോഗത്തിൽ വൈസ് പ്രസിഡന്റും ഉപപ്രധാനമന്ത്രിയും പ്രസിഡൻഷ്യൽ കോടതി ചെയർമാനുമായ ശൈഖ് മൻസൂർ ബിൻ സായിദ് അൽ നഹ്്യാൻ പങ്കെടുത്തു. അനുഗ്രഹീതമായ റമസാൻ മാസത്തിൽ യു എ ഇക്കും ജനങ്ങൾക്കും അഭിവൃദ്ധിയും അനുഗ്രഹവും ഉണ്ടാവണമെന്ന് ഇരുവരും പ്രാർഥിച്ചു.

രാജ്യത്തിന്റെ വികസന ദർശനം മുന്നോട്ട് കൊണ്ടുപോകുന്നതിനും അതിന്റെ പുരോഗതിയും സമൃദ്ധിയും വർധിപ്പിക്കുന്നതിനും ഭാവിയിലേക്കുള്ള ജനങ്ങളുടെ അഭിലാഷങ്ങൾ നിറവേറ്റുന്നതിനുമുള്ള ശ്രമങ്ങൾ ഉൾപ്പെടെയുള്ള പ്രധാന ദേശീയ കാര്യങ്ങളെക്കുറിച്ചുള്ള ചർച്ചകളും നടത്തി.

ദുബൈ കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ ശൈഖ് ഹംദാൻ ബിൻ മുഹമ്മദ് ബിൻ റാശിദ് അൽ മക്തൂം, ദുബൈയിയുടെ ഒന്നാം ഡെപ്യൂട്ടി ഭരണാധികാരിയും ഉപപ്രധാനമന്ത്രിയും ധനകാര്യ മന്ത്രിയുമായ ശൈഖ് മക്തൂം ബിൻ മുഹമ്മദ് ബിൻ റാശിദ് അൽ മക്തൂം, രണ്ടാം ഡെപ്യൂട്ടി ഭരണാധികാരി ശൈഖ് അഹ്്മദ് ബിൻ മുഹമ്മദ് ബിൻ റാശിദ് അൽ മക്തൂം, ഉപപ്രധാനമന്ത്രിയും വിദേശകാര്യ മന്ത്രിയുമായ ശൈഖ് അബ്ദുല്ല ബിൻ സായിദ് അൽ നഹ്്യാൻ തുടങ്ങിയവരും പങ്കെടുത്തു.