National
സംവരണ തസ്തികകളില്‍ ആളില്ലെങ്കില്‍ ജനറല്‍ വിഭാഗത്തിന് നല്‍കാമെന്ന് യു ജി സിയുടെ കരട് നിര്‍ദേശം
ഈ വിഷയത്തില്‍ പൊതുജനാഭിപ്രായം സ്വീകരിക്കുന്ന അവസാന ദിവസം ഇന്നായിരുന്നു
ന്യൂഡല്‍ഹി | വിദ്യാഭ്യാസ സ്ഥാപനങ്ങളില്‍ സംവരണം ചെയ്ത തസ്തികകളില്‍ ആളില്ലെങ്കില്‍ അവ ജനറല്‍ വിഭാഗത്തിന് നല്‍കാമെന്ന് യു ജി സി കരട് നിര്‍ദ്ദേശം. പട്ടിക ജാതി / വര്‍ഗ ,ഒബിസി സംവരണ തസ്തികകളില്‍ ആളില്ലെങ്കില്‍ ജനറല്‍ വിഭാഗത്തിന് ഇത് നല്‍കാമെന്നാണ് പുതിയ നിര്‍ദേശം. ഉന്നത വിദ്യഭ്യാസ സ്ഥാപനങ്ങളിലെ അധ്യാപക തസ്തികകളിലേക്ക് സംവരണം ചെയ്ത സീറ്റുകളില്‍ ആളില്ലെങ്കില്‍ ഈ തസ്തികകള്‍ ജനറല്‍ വിഭാഗത്തിലേക്ക് മാറ്റാമെന്നാണ് യു ജി സി നിര്‍ദേശത്തില്‍ പറയുന്നത്. ഡിസംബര്‍ 27 നാണ് യു ജി സി മാര്‍ഗനിര്‍ദേശങ്ങള്‍ പുറത്തിറക്കിയത്. ഈ വിഷയത്തില്‍ പൊതുജനാഭിപ്രായം സ്വീകരിക്കുന്ന അവസാന ദിവസം ഇന്നായിരുന്നു.
കേന്ദ്ര സര്‍വകലാശാലകള്‍, കേന്ദ്ര സര്‍ക്കാരിന് കീഴിലുള്ളതും യു ജി സി സഹായം ലഭിക്കുന്നതുമായ സ്വയം ഭരണ സ്ഥാപനങ്ങള്‍ എന്നിവ്ക്കെല്ലാം ഈ മാര്‍ഗ നിര്‍ദ്ദേശങ്ങള്‍ ബാധകമാണ്. അതേ സമയം സംവരണ തസ്തികകള്‍ ഒന്നും ജനറല്‍ വിഭാഗമാക്കാനാവില്ലെന്ന് വിദ്യാഭ്യാസ മന്ത്രാലയം അറിയിച്ചു.
ഉന്നത വിദ്യാഭ്യാസ സ്ഥാപനങ്ങളില്‍ നിന്ന് പട്ടിക ജാതി / വര്‍ഗ , ഒ ബി സി എന്നിവര്‍ക്കുള്ള സംവരണം അവസാനിപ്പിക്കാനുള്ള ഗൂഢശ്രമങ്ങളുടെ ഭാഗമാണ് ഈ പുതിയ നിര്‍ദേശമെന്ന് കോണ്‍ഗ്രസ് ആരോപിച്ചു. ഈ മാര്‍ഗനിര്‍ദേശങ്ങള്‍ നടപ്പിലാക്കുന്നതിന് മുമ്പ് യു ജി സി യും കേന്ദ്ര വിദ്യാഭ്യാസ മന്ത്രാലയവും ബന്ധപ്പെട്ടവരില്‍ നിന്ന് നിര്‍ദ്ദേശങ്ങള്‍ സ്വീകരിക്കുമെന്നും അറിയിച്ചു
Latest
വഖ്ഫ് വിഷയം കൈകാര്യം ചെയ്യുന്നതില്‍ പണ്ഡിതരുടെ കൂടി ഉപദേശം തേടണം; ഡോ.എ പി അബ്ദുല്‍ ഹകീം അസ്ഹരി
സ്ഥാനാര്‍ഥിയാക്കണമെന്ന് ഒരാള്‍ പറഞ്ഞാല്‍ അംഗീകരിക്കാനാവില്ല; പാലക്കാട്ടെ സ്ഥാനാര്‍ഥി നിര്‍ണയം പാളിയെന്ന് പാലക്കാട് നഗരസഭ അധ്യക്ഷ
മഹാരാഷ്ട്ര തിരഞ്ഞെടുപ്പ് തോല്‍വി; കോണ്‍ഗ്രസ് അധ്യക്ഷന്‍ നാന പട്ടോലെ രാജിവച്ചു
ആരും രാജിവെക്കുന്നില്ല, ആരോടും രാജി ആവശ്യപ്പെട്ടിട്ടില്ല; കെ സുരേന്ദ്രന്റെ രാജി സന്നദ്ധത വാര്‍ത്തകളോട് പ്രതികരിച്ച് ദേശീയ നേതൃത്വം
ഷാഹി ജുമാ മസ്ജിദ് സര്‍വേക്കിടെ സംഘര്‍ഷം; പ്രദേശത്ത് ഇന്റര്‍നെറ്റ് നിരോധിച്ചു, സ്‌കൂളുകള്‍ അടച്ചു
കോഴിക്കോട് റോഡിന്റെ കൈവരികള്‍ തകര്‍ത്ത് 30 അടി താഴ്ചയിലേക്ക് ലോറി മറിഞ്ഞ് അപകടം; ഡ്രൈവര്‍ക്ക് ഗുരുതര പരുക്ക്
