International
യുദ്ധം അവസാനിപ്പിക്കാൻ യുക്രൈന്‍- യു എസ് ഉന്നതതല ചര്‍ച്ച 11ന് സഊദിയില്‍
യുക്രൈന്‍ പ്രസിഡന്റ് വ്‌ളാദിമിര്‍ സെലന്‍സ്‌കി പങ്കെടുത്തേക്കും
കീവ് | യുക്രൈന്‍- റഷ്യ യുദ്ധം അവസാനിപ്പിക്കാന്‍ അമേരിക്ക, യുക്രൈന്‍ ഉന്നതതല ചര്‍ച്ച സഊദിയില്‍ 11ന് നടക്കും. യുക്രൈന്‍ പ്രസിഡന്റ് വ്‌ളാദിമിര്‍ സെലന്‍സ്‌കി പങ്കെടുക്കുമെന്നാണ് വിവരം. യു എസ് പ്രസിഡന്റ് ഡൊണാള്‍ഡ് ട്രംപും യുക്രൈന്‍ പ്രസിഡന്റ് വോളോഡിമര്‍ സെലെന്‍സ്‌കിയും വൈറ്റ് ഹൗസില്‍ ഏറ്റുമുട്ടിയതിന് പിന്നാലെയാണ് സഊദിയില്‍ സമാധാന ചര്‍ച്ച അരങ്ങേറുന്നത്.
യുദ്ധം അവസാനിപ്പിക്കുന്ന സമാധാന കരാര്‍ രൂപപ്പെടുത്തുന്നതിന് യുക്രൈന്‍ നേതാക്കളെ കാണുമെന്ന് ട്രംപിന്റെ പ്രത്യേക ദൂതന്‍ സ്റ്റീവ് വിറ്റ്‌കോഫ് അറിയിച്ചു. ഈ മാസം 10ന് യു എസ് നേതാക്കള്‍ സഊദി അറേബ്യയിലേക്ക് എത്തും. 11ന് സെലന്‍സ്‌കിയും സൗദിയിലെത്തിയേക്കും.
രണ്ടാഴ്ച മുമ്പ് റഷ്യന്‍ നേതാക്കളുമായി സഊദിയില്‍ വെച്ച് അമേരിക്കന്‍ പ്രതിനിധികള്‍ ചര്‍ച്ച നടത്തിയിരുന്നു. യുദ്ധം അവസാനിപ്പിക്കാന്‍ തയ്യാറാണെന്ന് റഷ്യ അറിയിക്കുകയും ചെയ്തിരുന്നു.
അതിനിടെ, യുക്രൈനിലുടനീളം റഷ്യ ഇന്നും മിസൈലാക്രമണം നടത്തി. രണ്ട് പേര്‍ മരിക്കുകയും 20 പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്. യുക്രൈന്റെ ഊര്‍ജ കേന്ദ്രങ്ങളെ ലക്ഷ്യമിട്ടായിരുന്നു ആക്രമണം.
Latest
കക്കാടംപൊയിലിലെ റിസോര്‍ട്ടില്‍ ഏഴു വയസുകാരന്‍ മുങ്ങി മരിച്ചു
നിപ ലക്ഷണങ്ങളോടെ യുവതി കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സ തേടി
ട്രംപിന്റെ പകര തീരുവ; കനത്ത തിരിച്ചടി നല്‍കി ചൈന
കാര്യവട്ടത്ത് വിദ്യാര്‍ഥിനിക്ക് പാഴ്‌സലില്‍ കഞ്ചാവ്; അയച്ചത് കോഴിക്കോട്ട് നിന്ന്
എ ഐ സി സി സമ്മേളനം 8, 9 ; ഡി സി സി പുനസ്സംഘടന ഗുജറാത്തില്‍ നിന്ന് തുടങ്ങും
പാലക്കാട് വടക്കഞ്ചേരിയില്‍ വന്‍ കവര്‍ച്ച; വീടിനുള്ളിലെ ലോക്കര്‍ തകര്‍ത്ത് 45 പവന്‍ കവര്‍ന്നു
