രണ്ട് വയസ്സുകാരിയെ കിണറ്റിലെറിഞ്ഞു കൊന്ന സംഭവം: അമ്മാവന്‍ അറസ്റ്റില്‍

തിരുവനന്തപുരം | ബാലരാമപുരത്ത് രണ്ട് വയസ്സുകാരി ദേവേന്ദുവിനെ കിണറ്റിലെറിഞ്ഞ് കൊലപ്പെടുത്തിയ കേസില്‍ അമ്മാവന്‍ ഹരികുമാറിനെ പോലീസ് അറസ്റ്റ് ചെയ്തു. കുട്ടിയെ ജീവനോടെ കിണറ്റിലെറിഞ്ഞ് കൊന്നത് താനാണെന്ന് പ്രതി പോലീസിനോട് കുറ്റസമ്മതം നടത്തിയിരുന്നു.

പോസ്റ്റ്മോര്‍ട്ടം റിപോര്‍ട്ടില്‍ ദേവേന്ദുവിനെ ജീവനോടെയാണ് കിണറ്റിലെറിഞ്ഞതെന്ന് തെളിഞ്ഞിരുന്നു. കുഞ്ഞിന്റേത് മുങ്ങിമരണമാണെന്ന പോസ്റ്റ്മോര്‍ട്ടം റിപോര്‍ട്ട് പ്രതിയുടെ മൊഴി ശരിവെക്കുന്നതാണ്. ദേവേന്ദുവിന്റെ മാതാവ് ശ്രീതുവിന്റെ പങ്കിനെക്കുറിച്ചും പോലീസ് അന്വേഷണം തുടരുകയാണ്. എന്നാല്‍ കൊലപാതകത്തില്‍ ശ്രീതുവിന് എതിരെയുള്ള തെളിവ് ഇതുവരെ ലഭിച്ചിട്ടില്ല.