Kerala
കുസാറ്റിലേത് കേട്ടുകേള്‍വിയില്ലാത്ത ദുരന്തം; ജില്ലാ കലക്ടറോട് റിപ്പോര്‍ട്ട് തേടി: മന്ത്രി രാജന്‍
ഇത്തരം കൂടിച്ചേരലുകള്‍ക്ക് നിയന്ത്രണവും നിബന്ധനകളും കൊണ്ടുവരും. മരിച്ചവരുടെ കുടുംബാംഗങ്ങള്‍ക്ക് സഹായധനം നല്‍കും.
കൊച്ചി | കുസാറ്റിലെ ദാരുണ സംഭവത്തില്‍ ജില്ലാ കലക്ടറോട് റിപ്പോര്‍ട്ട് തേടിയതായി റവന്യൂ വകുപ്പു മന്ത്രി കെ രാജന്‍. കേട്ടുകേള്‍വിയില്ലാത്ത ദുരന്തമാണ് കുസാറ്റ് കാമ്പസില്‍ നടന്നതെന്ന് മന്ത്രി പറഞ്ഞു. ഇത്തരം കൂടിച്ചേരലുകള്‍ക്ക് നിയന്ത്രണവും നിബന്ധനകളും കൊണ്ടുവരും.
മരിച്ചവരുടെ കുടുംബാംഗങ്ങള്‍ക്ക് സഹായധനം നല്‍കുമെന്നും മന്ത്രി വ്യക്തമാക്കി. പരുക്കേറ്റവരുടെ ചികിത്സ സര്‍ക്കാര്‍ മേല്‍നോട്ടത്തില്‍ നടത്തും. ഇതിനുള്ള എല്ലാ ചെലവും സര്‍ക്കാര്‍ വഹിക്കും.
ദുരന്തത്തില്‍ മരിച്ച വിദ്യാര്‍ഥികളായ അതുല്‍ തമ്പി, ആന്‍ റുഫ്ത, സാറ തോമസ് എന്നിവരുടെ മൃതദേഹങ്ങള്‍ കുസാറ്റില്‍ പൊതുദര്‍ശനത്തിനു വച്ചിരുന്നു. സംസ്ഥാന സര്‍ക്കാരിനു വേണ്ടി മന്ത്രിമാരായ ആര്‍ ബിന്ദു, പി രാജീവ്, സ്പീക്കര്‍ എ എന്‍ ഷംസീര്‍, ഇടതു മുന്നണി കണ്‍വീനര്‍ ഇ പി ജയരാജന്‍, ജനപ്രതിനിധികളായ ബെന്നി ബെഹ്നാന്‍, ഹൈബി ഈഡന്‍, ജെ ബി മേത്തര്‍, എ എ റഹീം, ജോണ്‍ ബ്രിട്ടാസ്, അന്‍വര്‍ സാദത്ത്, ഉമാ തോമസ്, സി പി എം സംസ്ഥാന സെക്രട്ടറി എം വി ഗോവിന്ദന്‍ എന്നിവര്‍ അന്തിമോപചാരമര്‍പ്പിച്ചു.
Latest
നിയന്ത്രണം വിട്ട ജീപ്പ് നിര്‍ത്തിയിട്ട ഓട്ടോകളില്‍ ഇടിച്ചു; നാലുപേര്‍ക്ക് പരുക്ക്
വയനാട് പുനരധിവാസം: ആശങ്ക വേണ്ട, അര്‍ഹതയുള്ള ആരും പട്ടികയില്‍ ഉള്‍പ്പെടാതിരിക്കില്ല: മന്ത്രി രാജന്‍
സി പി എം ഭൂരിപക്ഷ വര്‍ഗീയത ഇളക്കിവിടുന്നു; വിജയരാഘവന്റെ വിവാദ പരാമര്‍ശത്തിനെതിരെ യു ഡി എഫ്
പരീക്ഷാ ചോദ്യപേപ്പര്‍ ചോര്‍ച്ച: ക്രൈം ബ്രാഞ്ച് സംഘം അന്വേഷണം ഊര്‍ജിതമാക്കി
എല്ലാ സാമുദായിക സംഘനടകളുമായും നല്ല ബന്ധം; തിരഞ്ഞെടുപ്പിന് മുമ്പ് പാര്‍ട്ടിയെ ശക്തിപ്പെടുത്തണം; ചെന്നിത്തല
കേരള യുവജന സമ്മേളനം; ഐക്യദാര്‍ഢ്യ സംഗമം പ്രൗഢമായി
