സെന്‍ട്രല്‍ എക്‌സൈസ് അഡീഷണല്‍ കമ്മീഷണറും കുടുംബവും മരിച്ച നിലയില്‍; മൃതദേഹങ്ങള്‍ കണ്ടെത്തിയത് ക്വാര്‍ട്ടേഴ്‌സില്‍

കൊച്ചി | എറണാകുളം കാക്കനാട്ടെ കസ്റ്റംസ് ക്വാര്‍ട്ടേഴ്‌സില്‍മൂന്നുപേരെ മരിച്ച നിലയില്‍ കണ്ടെത്തി. സെന്‍ട്രല്‍ എക്‌സൈസ് അഡീഷണല്‍ കമ്മീഷണര്‍ മനീഷ് വിജയ് (42), ശാലിനി (35) ശകുന്തള (82) എന്നിവരാണ് മരിച്ചത്. ആത്മഹത്യയാണെന്നാണ് പ്രാഥമിക നിഗമനം. മൃതദേഹങ്ങള്‍ക്ക് പത്ത് ദിവസത്തെ പഴക്കം കണക്കാക്കുന്നു.

ഝാര്‍ഖണ്ഡ് സ്വദേശിയായ ഐ ആര്‍ എസ് ഉദ്യോഗസ്ഥന്റെ വസതിയിലാണ് മൃതദേഹങ്ങള്‍ കണ്ടെത്തിയത്. കാണാതായ മനീഷിനെ അന്വേഷിച്ചെത്തിയ സഹപ്രവര്‍ത്തകരാണ് പോലീസില്‍ വിവരമറിയിച്ചത്. മനീഷ് ഒരാഴ്ചയായി അവധിയിലായിരുന്നു

മനീഷും ശാലിനിയും തൂങ്ങിക്കിടക്കുന്ന നിലയിലായിരുന്നു. ശകുന്തളയുടെ മൃതദേഹം മുറിക്കകത്തെ കട്ടിലിലാണ് ഉണ്ടായിരുന്നത്.