ഒക്ടോബര്‍ 23 വരെ എല്ലാ പരീക്ഷകളും മാറ്റിവെക്കാന്‍ സര്‍വ്വകലാശാലകള്‍ക്ക് നിര്‍ദ്ദേശം

തിരുവനന്തപുരം | ഒക്ടോബര്‍ 23 വരെയുള്ള എല്ലാ പരീക്ഷകളും മാറ്റിവെക്കാന്‍ സര്‍വ്വകലാശാലകള്‍ക്ക് നിര്‍ദ്ദേശം. ഉത്തരവിലൂടെയാണ് സര്‍ക്കാര്‍ നിര്‍ദ്ദേശം നല്‍കിയത്. സംസ്ഥാനത്ത് തുടരുന്ന മഴക്കെടുതിയുടെ പശ്ചാത്തലത്തിലാണ് നിര്‍ദ്ദേശം.

23 വരെ കോളേജുകള്‍ക്ക് അവധി നല്‍കാനുള്ള ദുരന്ത നിവാരണ വകുപ്പിന്റെ ഉത്തരവ് പ്രഫഷണല്‍ കോളേജുകള്‍ ഉള്‍പ്പെടെ ഉന്നത വിദ്യഭ്യാസ വകുപ്പിന് കീഴിലുള്ള എല്ലാ വിദ്യഭ്യാസ സ്ഥാപനങ്ങള്‍ക്കും കൈമാറിയിട്ടുണ്ട്.

ഇത് പ്രകാരം കോളേജുകള്‍ ഇനി 25 ന് മാത്രമേ തുറക്കുകയുള്ളൂ. എന്നാല്‍ നിലവില്‍ പ്രവേശന നടപടികള്‍ നടക്കുന്ന കോളേജുകളില്‍ ഇത് തുടരണമെന്നും ഉത്തരവില്‍ നിര്‍ദ്ദേശമുണ്ട്.