ബേപ്പൂരില്‍ നിന്നും ലക്ഷദ്വീപിലേക്ക് പോയ ഉരു മുങ്ങി; തൊഴിലാളികളെ രക്ഷപ്പെടുത്തി

കോഴിക്കോട്  | ബേപ്പൂരില്‍നിന്ന് ചരക്കുമായി ലക്ഷദ്വീപിലെ ആന്ത്രോത്തിലേക്ക് പോയ ഉരു മുങ്ങി. ഉരുവിലുണ്ടായിരുന്ന ആറ് തൊഴിലാളികളെയും കോസ്റ്റ് ഗാര്‍ഡ് രക്ഷപ്പെടുത്തി.ഞായറാഴ്ച പുലര്‍ച്ചെ ഒന്നേകാലോടെയാണ് സംഭവം.

ബേപ്പൂരില്‍നിന്ന് സിമന്റും കെട്ടിടനിര്‍മാണ സാമഗ്രഹികളുമായി പോയ ഉരുവാണ് മുങ്ങിയത്. അപകടത്തില്‍പ്പെട്ടതോടെ ഉരുവിലുണ്ടായിരുന്ന തൊഴിലാളികള്‍ ലൈഫ് ബോട്ടില്‍ കയറി രക്ഷപ്പെട്ടിരുന്നു. ഇവരെ പിന്നീട് കോസ്റ്റ് ഗാര്‍ഡ് എത്തിയാണ് കരക്കെത്തിച്ചത്