യു എസ് മാളിലെ വെടിവെപ്പ്; മരിച്ചവരില്‍ ഇന്ത്യക്കാരിയും

വാഷിങ്ടണ്‍  | അമേരിക്കയിലെ ടെക്‌സസില്‍ ഷോപ്പിംഗ് മാളിലുണ്ടായ വെടിവെപ്പില്‍ കൊല്ലപ്പെട്ടവരില്‍ ഇന്ത്യക്കാരിയും. തെലങ്കാനയിലെ രംഗറെഡ്ഡി ജില്ല സെഷന്‍സ് ജഡ്ജ് ടി നാര്‍സി റെഡ്ഡിയുടെ മകളായ ഐശ്വര്യ റെഡ്ഡി(27)യാണ് കൊല്ലപ്പെട്ടത്. വെടിവെപ്പില്‍ ഐശ്വര്യ ഉള്‍പ്പെടെ എട്ട് പേരാണ് കൊല്ലപ്പെട്ടത്.

ഐശ്വര്യ ആണ്‍സുഹൃത്തിനൊപ്പം ഷോപ്പിങ് നടത്തുന്നതിനിടെയായിരുന്നു ആക്രമണം. ആക്രമണത്തില്‍ ആണ്‍സുഹൃത്തിനു പരുക്കേറ്റു. ചികിത്സയില്‍ കഴിയുന്ന ഇയാള്‍ അപകടനില തരണം ചെയ്തു എന്നാണ് സൂചന.

ഡള്ളാസിന് വടക്കു ഭാഗത്തായി അല്ലെനിലെ തിരക്കേറിയ മാളില്‍ കഴിഞ്ഞ ദിവസം രാത്രിയാണ് ആക്രമണമുണ്ടായത്.
മൗറിഷ്യോ ഗാര്‍ഷ്യോ എന്ന ആക്രമിയാണ് ആള്‍ക്കൂട്ടത്തിന് നേരെ വെടിയുതിര്‍ത്തത്. ആക്രമണത്തിന് പിന്നിലെ കാരണം വ്യക്തമല്ല