us open tennis
യു എസ് ഓപണ്‍ കിരീടം ദ്യോക്കോവിച്ചിന്; 24ാം ഗ്രാന്‍ഡ് സ്ലാം
ഇതോടെ ഈ വര്‍ഷത്തെ നാലിൽ മൂന്ന് ഗ്രാന്‍ഡ്സ്ലാമും ദ്യോകോവിച്ച് നേടി.
ന്യൂയോര്‍ക്ക് | യു എസ് ഓപണ്‍ പുരുഷ സിംഗിള്‍സ് കിരീടം നൊവാക് ദ്യോകോവിച്ചിന്. ഒരു മണിക്കൂറും 44 മിനുട്ടും നീണ്ടുനിന്ന ഫൈനലില്‍ ദാനീല്‍ മെദ്വദേവിനെയാണ് സെര്‍ബിയന്‍ താരം പരാജയപ്പെടുത്തിയത്. സ്‌കോര്‍: 6-3, 7-6 (7-5), 6-3.
ഇതോടെ ഈ വര്‍ഷത്തെ നാലിൽ മൂന്ന് ഗ്രാന്‍ഡ്സ്ലാമും ദ്യോകോവിച്ച് നേടി. ദ്യോകോവിച്ചിൻ്റെ 24ാം ഗ്രാൻഡ് സ്ലാം നേട്ടമാണിത്. വിംബിള്‍ഡണ്‍ കിരീടം അദ്ദേഹത്തിന് നഷ്ടപ്പെട്ടിരുന്നു. നാല് തവണയായി ഗ്രാന്‍ഡ് സ്ലാമുകള്‍ നേടുന്ന ആദ്യ പുരുഷ താരമായും ദ്യോകോവിച്ച് മാറി.
22 ഗ്രാന്‍ഡ് സ്ലാമുകള്‍ നേടിയ റാഫേല്‍ നദാലിന്റെ റെക്കോര്‍ഡ് ഈ വർഷമാദ്യം ആസ്‌ത്രേലിയന്‍ ഓപണ്‍ കിരീടം നേടി ദ്യോകോവിച്ച് തകര്‍ത്തിരുന്നു. വിംബിള്‍ഡണില്‍ 20കാരന്‍ കാര്‍ലോസ് അല്‍കാരസിനോടാണ് ലോക ഒന്നാം നമ്പര്‍ താരമായ ദ്യോകോവിച്ച് തോറ്റിരുന്നത്. എന്നാല്‍, തന്നെ എഴുതിത്തള്ളാനായിട്ടില്ലെന്ന് യു എസില്‍ ദ്യോകോവിച്ച് വീണ്ടും തെളിയിച്ചു. ജനുവരിയില്‍ ആസ്‌ത്രേലിയന്‍ ഓപണിനുള്ള തയ്യാറെടുപ്പാണ് ഇനി.
Latest
ന്യൂനപക്ഷ വര്‍ഗീയതയെ വിമര്‍ശിക്കുമ്പോള്‍ അസഹിഷ്ണുത കാണിക്കുന്നവരോട് സഹതാപം മാത്രം; നിലപാട് ആവര്‍ത്തിച്ച് എ വിജയരാഘവന്‍
മസ്ജിദുന്നബവിയില്‍ വിശുദ്ധ ഖുര്‍ആനും -ഹദീസും മനഃപാഠമാക്കാനുള്ളവരുടെ എണ്ണത്തില്‍ വര്‍ധനവ്
ജോലിക്കിടെ കണ്ണിലേക്ക് ആണി തുളച്ചു കയറി; അടിയന്തിര ശസ്ത്രക്രിയയിലൂടെ കാഴ്ച തിരികെ ലഭിച്ചു
ശബരിമലയില്‍ ശനിയാഴ്ച വരെ ദര്‍ശനത്തിനെത്തിയത് 28,93,210 പേര്‍
അല്ലു അര്‍ജുന്റെ വീടിന് നേരെ ആക്രമണം; എട്ട് പേര്‍ അറസ്റ്റില്‍
ഗസ്സയില്‍ കുട്ടികളെ യന്ത്രത്തോക്കുകളാല്‍ കൊല്ലുന്നു; ഇസ്‌റാഈല്‍ ക്രൂരതക്കെതിരെ വീണ്ടും ആഞ്ഞടിച്ച് മാര്‍പ്പാപ്പ
