Kerala
ഉപാധി അന്‍വര്‍ കൈയില്‍ വെച്ചാല്‍ മതി, ഇങ്ങനെ തമാശ പറയരുതെന്നും വി ഡി സതീശന്‍
കോണ്‍ഗ്രസ്സിനുമുന്നില്‍ ഉപാധിവച്ച പി വി അന്‍വറിന് വി ഡി സതീശന്റെ പരിഹാസം
പാലക്കാട് | കോണ്‍ഗ്രസ്സിനുമുന്നില്‍ ഉപാധിവച്ച പി വി അന്‍വറിനെ പരിഹസിച്ച് വി ഡി സതീശന്‍. ഉപാധി അന്‍വര്‍ കൈയില്‍ വെച്ചാല്‍ മതിയെന്നും ഇങ്ങനെ തമാശ പറയരുതെന്നും വി ഡി സതീശന്‍ പറഞ്ഞു.
തീരുമാനിച്ച സ്ഥാനാര്‍ത്ഥികളെ കോണ്‍ഗ്രസ് പിന്‍വലിക്കില്ല. അന്‍വര്‍ പിന്തുണച്ചാലും ഇല്ലെങ്കിലും കുഴപ്പമില്ലെന്നു പ്രഖ്യാപിച്ച് അന്‍വറിന്റെ ഉപാധികള്‍ അദ്ദേഹം തള്ളിക്കളഞ്ഞു.
അന്‍വറിന്റെ ഡി എം കെ കോണ്‍ഗ്രസിനെയാണ് ബന്ധപ്പെട്ടത്. യു ഡി എഫ് ഇക്കാര്യങ്ങളെക്കുറിച്ച് ചര്‍ച്ച ചെയ്തിട്ടില്ല. കെ പി സി സി യോഗത്തില്‍ പേര് പോലും പറഞ്ഞിട്ടില്ലെന്ന് വി ഡി സതീശന്‍. സ്ഥാനാര്‍ഥികളെ പിന്‍വലിക്കാന്‍ അന്‍വറിനോട് പറഞ്ഞിരുന്നു. ഇനി പിന്‍വലിച്ചാലും ഇല്ലെങ്കിലും കുഴപ്പമില്ല. തങ്ങളെ ബാധിക്കുന്ന പ്രശ്നമല്ല. സ്ഥാനാര്‍ത്ഥിയെ പിന്‍വലിക്കുന്ന തരത്തിലുള്ള ഒരു ചര്‍ച്ചയും യു ഡി എഫ് നടത്തില്ലെന്നും വി ഡി സതീശന്‍ വ്യക്തമാക്കി.
കോണ്‍ഗ്രസിന് ഒരു നിര്‍ബന്ധവും ഇല്ല അന്‍വറിന് സൗകര്യം ഉണ്ടെങ്കില്‍ സ്വന്തം സ്ഥാനാര്‍ഥിയെ പിന്‍വലിച്ചാല്‍ മതി. മത്സരിച്ചാല്‍ തങ്ങള്‍ക്ക് ഒരു വിരോധവുമില്ലെന്ന് വിഡി സതീശന്‍ പറഞ്ഞു. ഒരു ഉപാധിയും അംഗീകരിക്കില്ല. രമ്യ ഹരിദാസിനെ പിന്‍വലിക്കാന്‍ പോകുന്നില്ല. വയനാട് പ്രിയങ്കാ ഗാന്ധിക്ക് അന്‍വര്‍ പിന്തുണ നല്‍കിയില്ലെങ്കില്‍ വിഷമമാകുമെന്നും വി ഡി സതീശന്‍ പി വി അന്‍വറിനെ പരിഹസിച്ചു. യു ഡി എഫിന്റെ മൂന്ന് സ്ഥാനാര്‍ഥികളുടെയും വിജയ സാധ്യതയെ ഡി എം കെയുടെ സ്ഥാനാര്‍ഥികള്‍ ബാധിക്കില്ല. പാലക്കാട് 10,000ലധികം വോട്ടുകള്‍ക്ക് രാഹുല്‍ ജയിക്കും. അന്‍വറാണ് കോണ്‍ഗ്രസുമായി സഹകരിക്കേണ്ടതെന്ന് കെ പി സി സി അധ്യക്ഷന്‍ കെ സുധാകരന്‍ പറഞ്ഞു. അന്‍വര്‍ പിന്തുണച്ചാല്‍ ഭാവി പരിപാടികള്‍ ആലോചിക്കാമെന്നും സുധാകരന്‍ പറഞ്ഞു.
Latest
പള്ളിത്തര്‍ക്കം; സംസ്ഥാന സര്‍ക്കാരിനെതിരെ കോടതിയലക്ഷ്യനടപടി
വി ഡി സതീശന്റെ അഹങ്കാരത്തിന്റെ വില പാലക്കാടും ചേലക്കരയിലും കൊടുക്കേണ്ടിവരും: പി വി അന്‍വര്‍
സി പി എമ്മിനെതിരെ മുമ്പ് നടത്തിയ കടന്നാക്രമങ്ങളില്‍ പശ്ചാത്തപിച്ച് ഡോ. പി സരിന്‍
സൗദി ജയിലില്‍ കഴിയുന്ന കോഴിക്കോട് സ്വദേശി അബ്ദുല്‍ റഹീമിന്റെ മോചനഹരജി കോടതി പരിഗണിച്ചില്ല
ക്ഷേത്രങ്ങളില്‍ മോഷണം നടത്തിയ രണ്ട് പേര് പിടിയില്‍
അമിതമായി ഫോണ്‍ ഉപയോഗിച്ചതിനു ശകാരിച്ചു; 13 കാരന്‍ ജീവനൊടുക്കി
