ഇ പി ജയരാജന്റെ പുസ്തക വിവാദത്തിന് പിന്നില്‍ വി ഡി സതീശന്‍: ഡോ. പി സരിന്‍

പാലക്കാട് | ഇ പി ജയരാജന്റെ പുസ്തക വിവാദത്തിന് പിന്നില്‍ പ്രതിപക്ഷ നേതാവ് വി ഡി സതീശനാണെന്ന് പാലക്കാട്ടെ എല്‍ ഡി എഫ് സ്ഥാനാര്‍ഥി പി സരിന്‍ ആരോപിച്ചു. വിവാദത്തിന് പിന്നില്‍ സതീശന്റെ ഗൂഢാലോചനയാണെന്നും സരിന്‍ ആരോപിച്ചു.

പുസ്തകത്തിലെ പരാമര്‍ശങ്ങള്‍ എല്‍ ഡി എഫിനെ ബാധിക്കില്ല. പാലക്കാട്ട് പ്രചാരണത്തിനായി ഇ പി ജയരാജന്റെ വരവ് നേരത്തെ തീരുമാനിച്ചതാണെന്നും സരിന്‍ പറഞ്ഞു. ഇ പി പാലക്കാട്ട് വന്ന് കാര്യങ്ങള്‍ വിശദീകരിക്കും. വി ഡി സതീശന്റെ പൊങ്ങച്ചം 23 ന് അവസാനിക്കുമെന്നും എല്‍ ഡി എഫ് പതിനായിരത്തിലധികം വോട്ടിന് വിജയിക്കുമെന്നും സരിന്‍ പറഞ്ഞു.