Organisation
പച്ചക്കറി വിലക്കയറ്റം; വിപണിയില്‍ സര്‍ക്കാര്‍ ഇടപെടണം: എസ് വൈ എസ്
പത്തനംതിട്ട | പച്ചക്കറി വിലക്കയറ്റം പിടിച്ചു നിര്‍ത്തുവാന്‍ സര്‍ക്കാര്‍ വിപണിയില്‍ ഇടപെടണമെന്ന് എസ് വൈ എസ് പത്തനംതിട്ട ജില്ലാ കമ്മിറ്റി ആവശ്യപ്പെട്ടു. കൊവിഡ് മഹാമാരി കാലത്തെ പ്രതിസന്ധികളില്‍ നിന്ന് ഉയിര്‍ത്തെഴുന്നേറ്റ ജനങ്ങള്‍ക്ക് പച്ചക്കറി വില വര്‍ധനയും ഇന്ധന, പാചകവാതക വിലയും കടുത്ത വെല്ലുവിളി സൃഷ്ടിക്കുകയാണ്. ഇതിനു പുറമേ കൊവിഡ് പ്രതിസന്ധിയെ തുടര്‍ന്നുണ്ടായ ഉത്പാദനക്കുറവ്, ഇന്ധന വിലവര്‍ധന മൂലം കടത്തുകൂലിയിലുണ്ടായ അധികച്ചെലവ് എന്നിവയും പച്ചക്കറി വില കൂടുന്നതിന് കാരണമായി. ഹോര്‍ട്ടികോര്‍പ്പും വി എഫ് പി സി കെയും അടക്കമുള്ള സംവിധാനങ്ങള്‍ ശക്തമായി ഇടപെട്ടാല്‍ വിപണിവില ഒരുപരിധിവരെ പിടിച്ചുനിര്‍ത്താനാവും. സപ്ലൈകോ വഴി ന്യായവില ചന്തകള്‍ സര്‍ക്കാര്‍ തുറക്കണമെന്നും എസ് വൈ എസ് ആവശ്യപ്പെട്ടു.
വില ഉയര്‍ന്നതിനെ മറപിടിച്ച് പൂഴ്ത്തിവെപ്പും അധികവില ഈടാക്കലും നിയന്ത്രിക്കാന്‍ വിപണിയില്‍ കര്‍ശന നിരീക്ഷണത്തിന് സര്‍ക്കാര്‍ നടപടി അനിവാര്യമാണെന്നും കമ്മിറ്റി വ്യക്തമാക്കി. യോഗത്തില്‍ ജില്ലാ പ്രസിഡന്റ് മുഹമ്മദ് ഷിയാഖ് ജൗഹരി അധ്യക്ഷത വഹിച്ചു. സലാഹുദ്ദീന്‍ മദനി, എ പി മുഹമ്മദ് അഷ്ഹര്‍, സുധീര്‍ വഴിമുക്ക്, സലാം സഖാഫി, നിസാര്‍ നിരണം, സുനീര്‍ സഖാഫി സംസാരിച്ചു.
Latest
വിനീഷ്യസ് ജൂനിയറിന് ഗ്ലോബ് സോക്കര് ദുബൈ പുരസ്കാരം
ബേങ്കിംഗ് സേവനങ്ങള്; യു എ ഇ മിഡില് ഈസ്റ്റില് ഒന്നാമത്
പുതുവത്സരാഘോഷം: അബൂദബിയില് സമഗ്ര സുരക്ഷാ പദ്ധതി
യു എ ഇയില് പൊതുമാപ്പ് ചൊവ്വാഴ്ച അവസാനിക്കും; നിയമലംഘനം നടത്തുന്നവര്ക്കെതിരെ കര്‍ശന നടപടി
വ്യാജ വായ്പാ ആരോപണം; കരുവന്നൂര് ബേങ്ക് മുന് മാനേജര്ക്കെതിരെ കേസെടുക്കാന് കോടതി ഉത്തരവ്
ബസില് നിന്ന് തെറിച്ചുവീണ് സ്ത്രീ മരിച്ചു
