Kerala
കൈക്കൂലി വാങ്ങവെ വില്ലേജ് അസിസ്റ്റന്റ് പിടിയില്‍
പരിശോധനക്കായി എത്തിയെങ്കിലും ലൊക്കേഷന്‍ സ്‌കെച്ചിനായി 500 രൂപ കൈക്കൂലിയായി ആവശ്യപ്പെടുകയുമായിരുന്നു
കോഴിക്കോട് | കൈക്കൂലി വാങ്ങവേ വില്ലേജ് ഫീല്‍ഡ് അസിസ്റ്റന്റ് പിടിയിലായി. കോഴിക്കോട് പന്നിയങ്കര വില്ലേജ് ഓഫീസിലെ വില്ലേജ് ഫീല്‍ഡ് അസിസ്റ്റന്റ് സി കെ സാനു ആണ് വിജിലന്‍സിന്റെ പിടിയിലായത്.കല്ലായി സ്വദേശിയായ പരാതിക്കാരന്റെ സുഹൃത്തിന് കേരള സര്‍ക്കാരിന്റെ പുനര്‍ ഗേഹം പുനരധിവാസ പദ്ധതിയുടെ ഭാഗമായി വീട് നിര്‍മിക്കുന്നതിന് കണ്ടെത്തിയ സ്ഥലത്തിന്റെ ലൊക്കേഷന്‍ സ്‌കെച്ചിനു വേണ്ടി കഴിഞ്ഞ വ്യാഴാഴ്ച പന്നിയങ്കര വില്ലേജ് ഓഫീസില്‍ അപേക്ഷ നല്‍കി. അന്നേ ദിവസം വില്ലേജ് ഫീല്‍ഡ് അസിസ്റ്റന്റ് സാനു സ്ഥല പരിശോധനക്കായി എത്തിയെങ്കിലും ലൊക്കേഷന്‍ സ്‌കെച്ചിനായി 500 രൂപ കൈക്കൂലിയായി ആവശ്യപ്പെടുകയുമായിരുന്നു
തുടര്‍ന്ന് പരാതിക്കാരന്‍ വിജിലന്‍സിനെ അറിയിക്കുകയായിരുന്നു. ഇന്ന് വൈകീട്ട് നാലോടെ പന്നിയങ്കര വില്ലേജ് ഓഫീസില്‍ വച്ച് പരാതിക്കാരനില്‍ നിന്നും 500 രൂപ കൈക്കൂലിവാങ്ങവെ വിജിലന്‍സ് സംഘം ഇയാളെ കൈയോടെപിടികൂടുകയായിരുന്നു. അറസ്റ്റ് ചെയ്ത പ്രതിയെ കോഴിക്കോട് വിജിലന്‍സ് കോടതിയില്‍ ഹാജരാക്കും.
Latest
വോട്ടെണ്ണല് രാവിലെ എട്ടുമുതല്; സ്ഥാനാര്ഥികള് വോട്ടെണ്ണല് കേന്ദ്രങ്ങളില്
വേട്ടയാടലും ഭീഷണിയും തന്നോട് വേണ്ട; ഫേസ് ബുക്ക് പോസ്റ്റുമായി മന്ത്രി സജി ചെറിയാന്
ഹജ്ജ് കമ്മിറ്റി അംഗങ്ങളായി; ചെയര്മാന് തിരഞ്ഞെടുപ്പ് ഉടന്
പെണ്മക്കളെ പീഡിപ്പിച്ച കേസില് അച്ഛനെ രാജാക്കാട് പോലീസ് അറസ്റ്റ് ചെയ്തു
കാട്ടാന വനപാലകരുടെ ജീപ്പ് മറിച്ചിട്ടു;രണ്ടുപേര്ക്ക് പരിക്ക്
സന്നിധാനത്ത് ഇതുവരെ പിടികൂടിയത് 33 പാമ്പുകളെ
