ഇന്‍ഡിഗോ വിമാനത്തിലും യാത്രക്കാര്‍ക്കുനേരെ അതിക്രമം; രണ്ടുപേര്‍ അറസ്റ്റില്‍

ന്യൂഡല്‍ഹി| എയര്‍ ഇന്ത്യാ വിമാനത്തില്‍ സഹയാത്രികയ്ക്കുനേരെ യാത്രക്കാരന്‍ മൂത്രമൊഴിച്ച സംഭവത്തിനു പിന്നാലെ, ഇന്‍ഡിഗോ വിമാനത്തിലും യാത്രക്കാര്‍ക്കുനേരെ അതിക്രമം. ഡല്‍ഹി-പാറ്റ്‌ന ഇന്‍ഡിഗോ വിമാനത്തിലാണ് സംഭവമുണ്ടായത്. മദ്യപിച്ച മൂന്നംഗ യാത്രാസംഘം വിമാനത്തില്‍വെച്ച് മോശമായി പെരുമാറുകയായിരുന്നു. രണ്ടു പേരെ സിഐഎസ്എഫിന് കൈമാറി. ഒരാള്‍ പാറ്റ്‌ന വിമാനത്താവളത്തില്‍ നിന്ന് രക്ഷപ്പെട്ടതായാണ് ലഭിക്കുന്ന വിവരം. സംഭവം സ്ഥിരീകരിച്ച ഇന്‍ഡിഗോ കമ്പനി പരാതി പൊലീസിന് കൈമാറിയതായി വ്യക്തമാക്കി.