വിഴിഞ്ഞം തുറമുഖ സമരം; രണ്ടാം ദിവസവും പ്രതിഷേധക്കാര്‍ പൂട്ട് തകര്‍ത്ത് അകത്ത് പ്രവേശിച്ചു

തിരുവനന്തപുരം | ഒരുവ വശത്ത് സര്‍ക്കാരുമായി ചര്‍ച്ച തുടരുമ്പോഴും സമരം ശക്തമാക്കി വിഴിഞ്ഞത്തെ മത്സ്യത്തൊഴിലാളികള്‍. തുടര്‍ച്ചയായ രണ്ടാം ദിവസവും വിഴിഞ്ഞം തുറമുഖത്തിന്റെ പൂട്ട് തകര്‍ത്ത് സമരക്കാര്‍ അകത്ത് പ്രവേശിച്ചു. മുന്നോട്ട് വെച്ച ഏഴ് ആവശ്യങ്ങളും അംഗീകരിക്കാതെ സമരത്തില്‍ നിന്നും പിന്‍മാറില്ലെന്നാണ് ലത്തീന്‍ അതിരൂപതയുടെയും നിലപാട്

അതേ സമയം സമരം തുടരുന്ന അഞ്ചാം ദിവസവും നൂറ് കണക്കിന് മത്സ്യത്തൊഴിലാളികളാണ് പ്രതിഷേധ സമരവുമായി എത്തിയത്. ആദ്യം ബാരിക്കേട് തകര്‍ക്കാന്‍ ശ്രമം. പിന്നീട് മറ്റൊരു വഴിയിലൂടെ പ്രധാന കവാടത്തിലേക്ക്. പൂട്ട് പൊളിച്ച് പദ്ധതി പ്രദേശത്ത് കടന്ന സമരക്കാര്‍ പ്രധാന കെട്ടിടത്തിന് മുകളില്‍ കൊടി നാട്ടി.

ആവശ്യങ്ങള്‍ അംഗീകരിക്കുന്നതുവരെ സമരം തുടരുമെന്നും, ചര്‍ച്ച നടന്നതുകൊണ്ട് പിന്നോട്ട് പോകുമെന്ന് കരുതേണ്ടമന്നും പ്രതിഷേധക്കാര്‍ വ്യക്തമാക്കി.