മുടി തഴച്ചു വളരണോ? ചെമ്പരത്തിയാണ് മരുന്ന്

ആരോഗ്യകരമായ മുടി എല്ലാവരുടെയും സ്വപ്നവും ആഗ്രഹവും ആണ്.പല രീതിയിലുള്ള നുറുങ്ങുകൾ നമ്മൾ മുടിയിൽ പരീക്ഷിക്കാറുണ്ട്.എന്നാൽ പണ്ടു മുതലേ പറഞ്ഞുവരുന്ന ഒരു ഔഷധമാണ് ചെമ്പരത്തി എന്നത്. ചെമ്പരത്തി ഉപയോഗിച്ച് എങ്ങനെയെല്ലാം മുടി വളർത്താം എന്ന് നോക്കാം.

• കുറച്ച് ചെമ്പരത്തി ഇലകൾ എടുത്ത് അവയെല്ലാം ഒരു ഗ്രൈൻഡറിൽ കുറച്ച് ഉള്ളിയും ചേർത്ത് അരച്ചെടുക്കുക. ഈ മിനുസമായ പേസ്റ്റ് തലയിൽ പുരട്ടുക.അല്പസമയത്തിനുശേഷം കഴുകി കളയാവുന്നതാണ്.
• കറിവേപ്പിലയും ചെമ്പരത്തി ഇലയും തുല്യ അളവിൽ അരച്ച് ഒരു പാത്രത്തിൽ ഒഴിക്കുക. ഇതിൽ അല്പം വെളിച്ചെണ്ണ ചേർത്ത് പേസ്റ്റ് രൂപത്തിലാക്കുക. ഇത് അല്പനേരം തലയിൽ പുരട്ടി കഴുകി കളയാവുന്നതാണ്.
• കുറച്ച് ചെമ്പരത്തി ഇലകൾ എടുത്ത് അവയെല്ലാം ഒരു ഗ്രൈൻഡറിൽ അല്പം വെള്ളം ചേർത്ത് അരയ്ക്കുക. നല്ല മയമുള്ള ഈ പേസ്റ്റ് തലയിൽ തേച്ചതിനു ശേഷം കഴുകി കളയാവുന്നതാണ്.
• നാല് ടേബിൾ സ്പൂൺ തൈര് എടുത്ത് അതിൽ അല്പം ചെമ്പരത്തി ഇല ചേർത്ത് മിനുസമുള്ള പേസ്റ്റ് ഉണ്ടാക്കുക.ഇത് അല്പനേരം തലയിൽ വെച്ചതിനുശേഷം കഴുകിക്കളയാവുന്നതാണ്.
• ചെമ്പരത്തി ഇലയും നെല്ലിക്ക പൊടിയും തുല്യ അളവിൽ എടുത്ത് മയത്തിൽ പേസ്റ്റ് ഉണ്ടാക്കാം. ഇത് കുറഞ്ഞത് അരമണിക്കൂർ തലയിൽ പുരട്ടി കഴുകിക്കളയാവുന്നതാണ്.

വീട്ടിലെ വേലിയിലിരിക്കുന്ന ചെമ്പരത്തി വെറുതെ വിടേണ്ട.മുടിയുടെ ആരോഗ്യത്തിന് ഇതിനെ ഉപയോഗിച്ചുള്ളൂ.