National
വഖഫ് ബില്‍: ജെ പി സി യോഗത്തില്‍ കൈയാങ്കളി; തൃണമൂല്‍ എം പി. കല്യാണ്‍ ബാനര്‍ജിക്ക് പരുക്ക്
കല്യാണ്‍ ബാനര്‍ജിയെ ജെ പി സി യോഗത്തില്‍ നിന്ന് ഒരു ദിവസത്തേക്ക് സസ്‌പെന്‍ഡ് ചെയ്തു.
ന്യൂഡല്‍ഹി | വഖഫ് ബില്ലുമായി ബന്ധപ്പെട്ട സംയുക്ത പാര്‍ലിമെന്ററി കമ്മിറ്റി (ജെ പി സി) യോഗത്തില്‍ സംഘര്‍ഷം. വാഗ്വാദങ്ങള്‍ക്കിടെ തൃണമൂല്‍ കോണ്‍ഗ്രസ്സ്
എം പി. കല്യാണ്‍ ബാനര്‍ജി ചില്ലുകുപ്പി മേശയില്‍ എറിഞ്ഞുടച്ചു. ചില്ല് തട്ടി അദ്ദേഹത്തിന്റെ കൈവിരലുകള്‍ക്ക് പരുക്കേറ്റു.
യോഗത്തിനിടെ ബി ജെ പി എം പി. അഭിജിത് ഗംഗോപാധ്യായയുമായി കല്യാണ്‍ ബാനര്‍ജി ഏറ്റുമുട്ടുകയായിരുന്നു. ഇതോടെ യോഗം നിര്‍ത്തിവച്ചു. അച്ചടക്കമില്ലാത്ത പെരുമാറ്റത്തിന് കല്യാണ്‍ ബാനര്‍ജിയെ ജെ പി സി യോഗത്തില്‍ നിന്ന് ഒരു ദിവസത്തേക്ക് സസ്‌പെന്‍ഡ് ചെയ്തു.
പരുക്കേറ്റ ബാനര്‍ജിയെ എ ഐ എം ഐ എം നേതാവ് അസദുദ്ദീന്‍ ഉവൈസിയും എ എ പി നേതാവ് സഞ്ജയ് സിംഗും ചേര്‍ന്ന് കല്യാണ്‍ ബാനര്‍ജിയെ ആശുപത്രിയിലെത്തിച്ചു.
ബി ജെ പി എം പി ജഗദംബിക പാല്‍ അധ്യക്ഷത വ ഹിച്ച കമ്മിറ്റി യോഗത്തിലാണ് വാഗ്വാദവും കൈയാങ്കളിയുമുണ്ടായത്. വഖഫ് ബില്‍ വിഷയത്തില്‍ ജഡ്ജിമാരുടെയും അഭിഭാഷകരുടെയും അഭിപ്രായങ്ങള്‍ കേള്‍ക്കുന്നതിനിടെയാണ് സംഘര്‍ഷത്തിന് തിരികൊളുത്തിയത്. ജഡ്ജിമാര്‍ക്കും അഭിഭാഷകര്‍ക്കും വഖഫ് ബില്ലില്‍ എന്തു കാര്യമാണുള്ളതെന്ന് പ്രതിപക്ഷാംഗങ്ങള്‍ ചോദിച്ചതോടെയാണ് തര്‍ക്കത്തിന് കളമൊരുങ്ങിയത്.
Latest
സുഹൃത്തുക്കള്‍ കോടാലി കൊണ്ട് തലയ്ക്കടിച്ച യുവാവ് മരിച്ചു
മഹാരാഷ്ട്ര മുഖ്യമന്ത്രി: മോദി ആരെ തിരഞ്ഞെടുത്താലും സ്വീകരിക്കുമെന്ന് ഷിന്‍ഡെ
എ ഡി ജി പി ആര്‍ എസ് എസ് നേതാവിനെ കണ്ടതില്‍ തെറ്റില്ല: ഇ പി ജയരാജന്‍
ഇ പി ജയരാജന്റെ ആത്മകഥ വിവാദം; അന്വേഷണ റിപ്പോര്‍ട്ട് മടക്കി ഡി ജി പി
കൊച്ചിയിലേക്ക് വിനോദയാത്രപോയ താമരശ്ശേരി ഭിന്നശേഷി വിദ്യാലയത്തിലെ കുട്ടികള്‍ക്ക് ഭക്ഷ്യ വിഷബാധ
സ്‌കൂള്‍ പഠനയാത്രയില്‍ നിന്ന് പണമില്ലാത്ത കാരണത്താല്‍ ഒരു കുട്ടിയേയും ഒഴിവാക്കാന്‍ പാടില്ല: മന്ത്രി ശിവന്‍കുട്ടി
