കോട്ടയത്തെ കിണറുകളില്‍ വെള്ളത്തിന് പച്ചനിറവും ദുര്‍ഗന്ധവും

കോട്ടയം | കിണറുകളിലെ വെള്ളത്തിന് പച്ചനിറവും ദുര്‍ഗന്ധവും കണ്ടെത്തിയതിനെ തുടര്‍ന്ന് ആരോഗ്യവിഭാഗം സ്ഥലത്തെത്തി വെള്ളം പരിശോധനയ്ക്കായി അയച്ചു. കോട്ടയത്തെ വിജയപുരം പഞ്ചായത്തിലാണ് സംഭവം.  പഞ്ചായത്തിലെ 13ാം വാര്‍ഡിലെ ആറു കിണറുകളിലാണ് പച്ച നിറത്തിലുള്ള വെള്ളം കണ്ടെത്തിയത്. വ്യാഴാഴ്ച കടുംപച്ച നിറത്തില്‍ കണ്ട വെള്ളം വെള്ളിയാഴ്ച ഇളം പച്ചനിറത്തിലാണ് ഉള്ളത്. നിറവ്യത്യാസത്തിനൊപ്പം കിണറില്‍ നിന്നും ദുര്‍ഗന്ധം വമിക്കുകയും ജവനിരപ്പ് ഉയരുകയും ചെയ്തിട്ടുണ്ട്.

ഉയര്‍ന്ന പ്രദേശമായതിനാല്‍ മാലിന്യം കലരാനുള്ള സാധ്യതയില്ലെന്നാണ് നാട്ടുകാര്‍ പറയുന്നത്. ശുദ്ധജലം ലഭ്യമാക്കാന്‍ പഞ്ചായത്ത് അധികൃതര്‍ വേണ്ട നടപടികള്‍ ആരംഭിച്ചതായി അറിയിച്ചിട്ടുണ്ട്. അറിയിപ്പ് ഉണ്ടാകുന്നതുവരെ കിണറിലെ വെള്ളം ഉപയോഗിക്കരുതെന്നും നിര്‍ദേശം ഉണ്ട്.