ഹൈഡ്രജനും ഓക്സിജനും ചേർന്നാൽ വെള്ളമാകും; വിഷവും വിവരക്കേടും ചേർന്നാലോ?

കെ റെയിൽ പദ്ധതിക്ക് മേൽനോട്ടം വഹിക്കുന്ന കേരള റെയിൽ ഡെവലപ്മെന്റ് കോർപറേഷന്റെ തലപ്പത്ത് തന്റെ ഭാര്യയെ അനധികൃതമായി നിയമിച്ച് ലക്ഷങ്ങൾ വേതനം നൽകുന്നുവെന്ന പ്രതിപക്ഷ ആരോപണങ്ങളോട് പ്രതികരിച്ച് ജോൺ ബ്രിട്ടാസ് എം പി. 31 വർഷമായി റെയിൽവേയിൽ ഉദ്യോഗസ്ഥയാണ് തന്റെ ഭാര്യയെന്നും റെയിൽവേ മന്ത്രാലയമാണ് അവരെ ഡെപ്യൂട്ടേഷനിൽ കെ ആർ ഡി സിയിൽ നിയമിച്ചതെന്നും കാലാവധി നീട്ടി നൽകിയതെന്നും അദ്ദേഹം രേഖകൾ സഹിതം വ്യക്തമാക്കി. ഫേസ്ബുക്കിലാണ് അദ്ദേഹം വിശദീകരണ കുറിപ്പ് പോസ്റ്റ് ചെയ്തത്. പോസ്റ്റ് പൂർണരൂപത്തിൽ:

ഹൈഡ്രജനും ഓക്സിജനും പ്രത്യേക അനുപാതത്തിൽ ചേർന്നാൽ (H2O) വെള്ളമാകും.വിഷവും വിവരക്കേടും ചേർന്നാലോ? കേരളത്തിലതിനൊരുപാട് ഉദാഹരണങ്ങൾ ഉണ്ട്. ദുർഗന്ധം വമിച്ചുകൊണ്ട് ഓരോദിവസവും പടച്ചുവിടുന്ന കള്ളക്കഥകൾ അവഗണിക്കുകയാണ് എന്റെ രീതി.എന്നാൽ അതിലൊരു മുന്തിയ ഇനം എന്റെ ഭാര്യയെ കുറിച്ചാണ്.പ്രതികരിക്കേണ്ട എന്നാദ്യം വിചാരിച്ചു. എന്നാൽ തലയിൽ കിഡ്നിയുണ്ടെന്ന് കരുതിയ യുവകോമള നേതാക്കൾ പോലും ദുർഗന്ധം സ്വന്തം വായിൽ നിന്നും സ്പ്രെ ചെയ്യുന്നത് കണ്ടപ്പോൾ ചില സുഹൃത്തുക്കൾ വിളിച്ചു പറഞ്ഞു രണ്ടു വരി ഇട് എന്ന്.നിജ സ്ഥിതി അറിയാവുന്ന ചിലർ കോറിയിട്ട വരികൾ ഇവിടെ ചേർക്കട്ടെ.അതാണ് സത്യം!