National
അക്രമികളുടെ കൈയ്യില്‍ നിന്നും രക്ഷപ്പെടാന്‍ ശ്രമിക്കവെ ടോള്‍പ്ലാസ ജീവനക്കാര്‍ കിണറ്റില്‍ വീണ് മുങ്ങിമരിച്ചു
പന്ത്രണ്ടോളം പേരടങ്ങുന്ന സംഘം നാല് ബൈക്കുകളിലായെത്തി ടോൾ പ്ലാസയിലെ ജീവനക്കാരെ ആക്രമിക്കുകയായിരുന്നു.
ഭോപ്പാല്‍ | മധ്യപ്രദേശ് ദേശീയപാത-44ലെ ദഗരി ടോള്‍ പ്ലാസയിലെ രണ്ട് ജീവനക്കാര്‍ കിണറ്റില്‍ വീണ് മുങ്ങി മരിച്ചു. മുഖം മൂടി ധരിച്ചെത്തിയ പന്ത്രണ്ടോളം പേരടങ്ങുന്ന സംഘം ടോള്‍ നല്‍കുന്നതുമായി ബന്ധപ്പെട്ട് തര്‍ക്കമുണ്ടാക്കിയതിനെ തുടര്‍ന്ന് അക്രമികളുടെ കൈയ്യില്‍ നിന്നും രക്ഷപ്പെടാന്‍ ശ്രമിക്കുന്നതിനിടെയാണ് മരണം സംഭവിച്ചത്. ആഗ്ര സ്വദേശി ശ്രീനിവാസ് പരിഹാര്‍ , നാഗ്പൂര്‍ സ്വദേശി കണ്ടേലെ എന്നിവരാണ് മരിച്ചത്. ചൊവ്വാഴ്ച രാത്രിയാണ് സംഭവം.
മുഖം മൂടി ധരിച്ചെത്തിയവര്‍ ജീവനക്കാരുമായി ടോള്‍ നല്‍കുന്നതിനെ ചൊല്ലി തര്‍ക്കമുണ്ടാക്കി. തുടര്‍ന്ന് അക്രമാസക്തരായ പ്രതികള്‍ ടോള്‍ കൗണ്ടറുകളുടെ വാതിലുകളും കമ്പ്യൂട്ടറുകളും നശിപ്പിക്കുകയും ആകാശത്തേക്ക് വെടിയുതിര്‍ക്കുകയും ചെയ്തു. തുടര്‍ന്ന് ജീവനക്കാര്‍ ഭയപ്പെട്ട് സ്ഥലത്ത് നിന്നും ഓടി രക്ഷപ്പെടാന്‍ ശ്രമിക്കുന്നതിനിടെയാണ് ഇരുവരും ഒരു പറമ്പിലെ കിണറ്റില്‍ വീണത്. പ്രതികള്‍ ആക്രമണം നടത്തുന്നതിന്റെ സിസിടിവി ദൃശ്യങ്ങള്‍ ലഭിച്ചിട്ടുണ്ട്. സംഭവത്തില്‍ പോലീസ് അന്വേഷണം ഊര്‍ജിതമാക്കി.
Latest
താനൂരില്‍ നിന്ന് കാണാതായ പെണ്‍കുട്ടികള്‍ മുംബൈയില്‍; കണ്ടെത്താന്‍ മലയാളി അസോസിയേഷന്‍ പ്രവര്‍ത്തകരുടെ നെട്ടോട്ടം
സി പി എം സമ്മേളനം; നവകേരള രേഖ വികസന കുതിപ്പിന് വഴിയൊരുക്കും
ലീഗ് ഒരു വര്‍ഗീയ കക്ഷിയുമായും കൂട്ടുകൂടിയിട്ടില്ല; സി പി എം ചര്‍ച്ച ചെയ്യുന്നത് അവരുടെ അജണ്ട: പി കെ കുഞ്ഞാലിക്കുട്ടി
നിരത്തില്‍ നിറയെ ബോര്‍ഡുകള്‍ ഉള്ളതല്ല സര്‍ക്കാര്‍ പറയുന്ന നവകേരളം: ഹൈക്കോടതി
ലീഗ് മതരാഷ്്ട്ര വാദികളുമായി സഖ്യം ചേരുന്നു; ഇതിന്റെ ഗുണഭോക്താവ് കോണ്‍ഗ്രസ്: സി പി എം
നിലമ്പൂരില്‍ 1.4 കിലോഗ്രാം കഞ്ചാവ് പിടിച്ചു; ഒരാള്‍ അറസ്റ്റില്‍
