Kerala
വന്യജീവി ആക്രമണം:വനംവകുപ്പിനെതിരെ പ്രതിഷേധവുമായി കോളജ് വിദ്യാര്‍ഥികള്‍
പ്രശ്നത്തിന് ശാശ്വത പരിഹാരം കണ്ടെത്താന്‍ കേന്ദ്ര സംസ്ഥാന സര്‍ക്കാരുകള്‍ മുന്‍കൈയ്യെടുക്കണമെന്നാണ് വിദ്യാര്‍ഥികള്‍ ആവശ്യപ്പെടുന്നത്.
കോട്ടയം | വന്യജീവി ആക്രമണങ്ങല്‍ വര്‍ദ്ധിച്ച് വരുന്ന പശ്ചാത്തലത്തില്‍ വനംവകുപ്പിനെതിരെ പ്രതിഷേധവുമായി കോളജ് വിദ്യാര്‍ഥികള്‍ രംഗത്ത്. എരുമേലി ഫോറസ്റ്റ് ഓഫീസിലേക്ക് കോട്ടയം ചേര്‍പ്പുങ്കല്‍ ബിവിഎം ഹോളി ക്രോസ് കോളജിലെ എംഎസ്ഡബ്ല്യു വിദ്യാര്‍ഥികളാണ് പ്രതിഷേധ മാര്‍ച്ച് സംഘടിപ്പിച്ചത്.
അധ്യാപകരുടെ പിന്തുണയോടെ പ്രതിഷേധ മാര്‍ച്ച് നടത്തിയ വിദ്യാര്‍ഥികള്‍ ധര്‍ണയും തെരുവുനാടകമുള്‍പ്പെടെയുള്ള പ്രതിഷേധ കലാപരിപാടികളും സംഘടിപ്പിച്ചു.
വന്യജീവി ആക്രമണം സമൂഹത്തില്‍ വലിയ ആശങ്കയുണ്ടാക്കുന്നുണ്ടെന്നും മനുഷ്യ ജീവന്‍ നഷ്ടപ്പെടുമ്പോള്‍ അതിന് പകരമായി പണം നല്‍കിയത് കൊണ്ട് കാര്യമില്ലെന്നുമാണ് വിദ്യാര്‍ഥികള്‍ പറയുന്നത്.
പ്രശ്നത്തിന് ശാശ്വത പരിഹാരം കണ്ടെത്താന്‍ കേന്ദ്ര സംസ്ഥാന സര്‍ക്കാരുകള്‍ മുന്‍കൈയ്യെടുക്കണമെന്നും വിദ്യാര്‍ഥികള്‍ ആവശ്യപ്പെടുന്നു. 70ഓളം വിദ്യാര്‍ഥികളാണ് പ്രതിഷേധവുമായി ഫോറസ്റ്റ് ഓഫീസിലെത്തിയത്.
പ്രശ്നത്തിന് എത്രയും വേഗം പരിഹാരം കണ്ടെത്തിയില്ലെങ്കില്‍ കലയിലൂടെയും മറ്റും കൂടുതല്‍ പ്രതിഷേധങ്ങള്‍ സംഘടിപ്പിക്കാനാണ് തീരുമാനമെന്നും വിദ്യാര്‍ഥികള്‍ പറഞ്ഞു.
Latest
മുഹമ്മദന്‍സിനെ വീഴ്ത്തിയത് മൂന്ന് ഗോളിന്; മിന്നും ജയവുമായി കേരള ബ്ലാസ്‌റ്റേഴ്‌സ്
ന്യൂനപക്ഷ വര്‍ഗീയതയെ വിമര്‍ശിക്കുമ്പോള്‍ അസഹിഷ്ണുത കാണിക്കുന്നവരോട് സഹതാപം മാത്രം; നിലപാട് ആവര്‍ത്തിച്ച് എ വിജയരാഘവന്‍
മസ്ജിദുന്നബവിയില്‍ വിശുദ്ധ ഖുര്‍ആനും -ഹദീസും മനഃപാഠമാക്കാനുള്ളവരുടെ എണ്ണത്തില്‍ വര്‍ധനവ്
ജോലിക്കിടെ കണ്ണിലേക്ക് ആണി തുളച്ചു കയറി; അടിയന്തിര ശസ്ത്രക്രിയയിലൂടെ കാഴ്ച തിരികെ ലഭിച്ചു
ശബരിമലയില്‍ ശനിയാഴ്ച വരെ ദര്‍ശനത്തിനെത്തിയത് 28,93,210 പേര്‍
അല്ലു അര്‍ജുന്റെ വീടിന് നേരെ ആക്രമണം; എട്ട് പേര്‍ അറസ്റ്റില്‍
