മലപ്പുറത്തെ യുവതിയുടെ ആത്മഹത്യ; ഭര്‍ത്താവ് പോലീസ് കസ്റ്റഡിയില്‍

മലപ്പുറം | മലപ്പുറത്ത് ഭര്‍തൃവീട്ടില്‍ യുവതി ആത്മഹത്യ ചെയ്ത സംഭവത്തില്‍ ഭര്‍ത്താവ് പോലീസ് കസ്റ്റഡിയില്‍. പൂക്കോട്ടുംപാടം സ്വദേശി വിഷ്ണുജയുടെ ഭര്‍ത്താവ് എളങ്കൂര്‍ സ്വദേശി പ്രഭിനെയാണ് മഞ്ചേരി പോലീസ് കസ്റ്റഡിയിലെടുത്തത്. വിഷ്ണുജയെ സൗന്ദര്യം കുറവെന്ന് പറഞ്ഞ് ഭര്‍ത്താവ് പീഡിപ്പിച്ചിരുന്നുവെന്ന് കുടുംബം ആരോപിച്ചിരുന്നു. വ്യാഴാഴ്ചയാണ് വിഷ്ണുജ മരിച്ചത്. മഞ്ചേരി പോലീസ് അസ്വാഭാവിക മരണത്തിന് കേസ് എടുത്തിരുന്നു.

2023 മെയിലാണ് വിഷ്ണുജയും പ്രഭിനും തമ്മിലുള്ള വിവാഹം നടന്നത്. സ്ത്രീധനം നല്‍കിയത് കുറവെന്ന് പറഞ്ഞും പീഡിപ്പിച്ചുവെന്നും ജോലി ഇല്ലെന്ന് പറഞ്ഞ് ഉപദ്രവമുണ്ടായിരുന്നുവെന്നും കുടുംബം പറയുന്നു. പീഡനത്തിന് ഭര്‍ത്താവിന്റെ ബന്ധുക്കള്‍ കൂട്ടു നിന്നെന്നും ആരോപണമുണ്ട്.