Kerala
തേനിയില്‍ തോട്ടത്തില്‍ നിന്നും പണി കഴിഞ്ഞു മടങ്ങവെ കാട്ടാന ആക്രമണം; സ്ത്രീ മരിച്ചു
ഭര്‍ത്താവ് പിച്ചൈയ്‌ക്കൊപ്പം വനാതിര്‍ത്തിയിലൂടെ പോകുമ്പോള്‍ വനത്തില്‍ നിന്നുമെത്തിയ കാട്ടാനയാണ് ഇവരെ ആക്രമിച്ചത്.
തേനി|തമിഴ്‌നാട് തേനിയില്‍ തോട്ടത്തില്‍ നിന്നും പണി കഴിഞ്ഞു മടങ്ങവെ കാട്ടാന ആക്രമണത്തില്‍ സ്ത്രീ മരിച്ചു. ഗൂഡല്ലൂര്‍ സ്വദേശി പിച്ചൈയുടെ ഭാര്യ സരസ്വതി(55) ആണ് മരിച്ചത്. ലോവര്‍ ക്യാമ്പില്‍ താമസിച്ച് കൂലിപ്പണി ചെയ്തു വരികയാണ് സരസ്വതിയും ഭര്‍ത്താവും. അഴകേശന്‍ എന്നയാളുടെ പറമ്പില്‍ ജോലിക്ക് പോയിട്ട് തിരികെ വരുമ്പോഴായിരുന്നു ആക്രമണം ഉണ്ടായത്.
ഭര്‍ത്താവ് പിച്ചൈയ്‌ക്കൊപ്പം വനാതിര്‍ത്തിയിലൂടെ പോകുമ്പോള്‍ വനത്തില്‍ നിന്നുമെത്തിയ കാട്ടാനയാണ് ഇവരെ ആക്രമിച്ചത്. ആക്രമണത്തില്‍ ഗുരുതര പരിക്കേറ്റ സരസ്വതിയെ ഉടന്‍ ഗൂഡല്ലൂരിലുള്ള സര്‍ക്കാര്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മൃതദേഹം കമ്പം സര്‍ക്കാര്‍ ആശുപത്രിയില്‍ പോസ്റ്റുമോര്‍ട്ടത്തിനുശേഷം ബന്ധുക്കള്‍ക്ക് നല്‍കി.
Latest
സൈലം എക്സലൻസിയ അവാർഡ്സ് 2025; ഫെബ്രുവരി 6ന് കൊച്ചിയിൽ നടക്കും
ശീത കാറ്റും തണുപ്പും; മത്സ്യത്തിന്റെ വില ഉയരെ: മത്തിക്ക് വില 19 ദിർഹം, നത്തോലി 35 ദിർഹം
വികസന വിഷയങ്ങൾ അവലോകനം ചെയ്ത് യു എ ഇ ക്യാബിനറ്റ്
മുക്കത്ത് പീഡനശ്രമത്തിനിടെ യുവതി കെട്ടിടത്തില്‍ നിന്ന് ചാടിയ സംഭവം; ദൃശ്യങ്ങള്‍ പുറത്തുവിട്ട് കുടുംബം
കിഫ്ബി റോഡുകളില്‍ ടോള്‍ പിരിക്കാനൊരുങ്ങി സര്‍ക്കാര്‍
ബാലരാമപുരത്തെ രണ്ടര വയസുകാരിയുടെ കൊലപാതകം; കൊലപ്പെടുത്തിയത് താനല്ലെന്ന് ഹരികുമാര്‍ കോടതിയില്‍
