തൃശൂരില്‍ ട്രെയിന്‍ ഇടിച്ച് സ്ത്രീ മരിച്ചു; രണ്ട് പേര്‍ക്ക് പരുക്ക്

തൃശൂര്‍  |തൃശൂരില്‍ റെയില്‍പാളം മുറിച്ച് കടക്കവെ ട്രെയിന്‍ ഇടിച്ച് സ്ത്രീ മരിച്ചു. ഒപ്പമുണ്ടായിരുന്ന രണ്ട് പേര്‍ക്ക് പരുക്കേറ്റു. മുരിങ്ങൂര്‍ ഡിവൈന്‍ നഗര്‍ റെയില്‍വെ സ്റ്റേഷന് സമീപമാണ് അപകടം.

കാഞ്ഞങ്ങാട് സ്വദേശിനി റോസമ്മ ജെയിംസാ(75)ണ് മരിച്ചത്.വടക്കന്‍ പറവൂര്‍ സ്വദേശി ഉഷയ്ക്ക് ഗുരുതരമായി പരിക്കേറ്റു. അപകടശേഷം അരമണിക്കൂറോളം ട്രാക്കില്‍ കിടന്ന ഇവരെ പോലിസ് എത്തിയ ശേഷമാണ് ആശുപത്രിയില്‍ എത്തിച്ചത്.ഇന്ന് രാവിലെ 6.40നാണ് അപകടം . എഗ്മോര്‍ – ഗുരുവായൂര്‍ ട്രെയിന്‍ ആണ് ഇവരെ ഇടിച്ചത്. മൂന്നുപേര്‍ ട്രാക്ക് കുറുകെ കടക്കുന്നതിനിടെയാണ് അപകടം ഉണ്ടായത്