Kerala
കടവന്ത്രയില്‍ സ്‌കൂട്ടറിന് പിന്നില്‍ കെ എസ് ആര്‍ ടി സി ബസിടിച്ച് യുവതി മരിച്ചു
ഇടിയുടെ ആഘാതത്തില്‍ കെഎസ്ആര്‍ടിസി ബസിനും കാറിനും ഇടയില്‍ സ്‌കൂട്ടറിലുണ്ടായിരുന്നവര്‍ കുടുങ്ങി പോവുകയായിരുന്നു
കൊച്ചി | കൊച്ചി കടവന്ത്രയില്‍ സ്‌കൂട്ടറിന് പിന്നില്‍ കെഎസ്ആര്‍ടിസി ബസ് ഇടിച്ച് സ്‌കൂട്ടര്‍ യാത്രക്കാരിയായ യുവതി മരിച്ചു. അരൂകുറ്റി സ്വദേശി സീനത്ത് (40) ആണ് മരിച്ചത്. സ്‌കൂട്ടര്‍ ഓടിച്ചിരുന്നയാള്‍ക്ക് ഗുരുതരമായി പരുക്കേറ്റു.
ഇന്ന് രാവിലെ ഒമ്പതോടെ കടവന്ത്രയില്‍ മെട്രോ പില്ലര്‍ 790ന് മുന്നില്‍ വെച്ചാണ് അപകടം സംഭവിച്ചത്. റോഡില്‍ ഗതാഗത കുരുക്കുണ്ടായതിനെ തുടര്‍ന്ന് മുന്നിലെ വാഹനങ്ങള്‍ വേഗത കുറച്ച് നിര്‍ത്തിയതോടെ സ്‌കൂട്ടര്‍ ഓടിച്ചിരുന്നയാളും വേഗത കുറച്ച് നിര്‍ത്താന്‍ ശ്രമിക്കുന്നതിനിടയില്‍ പിന്നില്‍ നിന്നും എത്തിയ കെഎസ്ആര്‍ടിസി ബസ് ഇടിക്കുകയായിരുന്നു.തുടര്‍ന്ന് കാറിലിടിച്ചാണ് കെഎസ്ആര്‍ടിസി ബസ് നിന്നത്. ഇടിയുടെ ആഘാതത്തില്‍ കെഎസ്ആര്‍ടിസി ബസിനും കാറിനും ഇടയില്‍ സ്‌കൂട്ടറിലുണ്ടായിരുന്നവര്‍ കുടുങ്ങി പോവുകയായിരുന്നു. അപകടം നടന്ന ഉടനെ സ്‌കൂട്ടര്‍ യാത്രക്കാരായ രണ്ട് പേരെയും ആശുപത്രിയിലെത്തിച്ചെങ്കിലും സീനത്തിനെ രക്ഷിക്കാനായില്ല.
Latest
കായിക മേളയിലെ പ്രതിഷേധം: രണ്ട് സ്‌കൂളുകള്‍ക്ക് അടുത്ത മേളക്ക് വിലക്കേര്‍പ്പെടുത്തി സര്‍ക്കാര്‍
വാട്‌സാപ്പിനെ കരുതിയിരുന്നോളൂ; മുന്നറിയിപ്പുമായി കേന്ദ്ര ആഭ്യന്തര മന്ത്രാലയം
മാധ്യമപ്രവര്‍ത്തകന്‍ എസ് ജയചന്ദ്രന്‍ നായര്‍ അന്തരിച്ചു
യന്ത്ര തകരാർ: കടലിൽ കുടുങ്ങിയ നാല് പേരെ ബോർഡർ ഗാർഡ്സ് രക്ഷിച്ചു
വെസ്റ്റ്ബാങ്കില്‍ അല്‍ ജസീറക്ക് വിലക്കേര്‍പ്പെടുത്തി
കൊച്ചിയില്‍ ഫ്‌ലവര്‍ ഷോ കാണാനെത്തിയ വീട്ടമ്മ പ്ലൈവുഡ് പലകയില്‍ തട്ടി വീണു; ഗുരുതര പരുക്ക്
