കാര്‍ നിയന്ത്രണം വിട്ട് മണ്‍തിട്ടയില്‍ ഇടിച്ചു; സ്ത്രീ മരിച്ചു

പാലക്കാട് | കാര്‍നിയന്ത്രണം വിട്ട് മണ്‍തിട്ടയില്‍ ഇടിച്ചു. അപകടത്തില്‍ സ്ത്രീ മരിച്ചു. തച്ചനാട്ടുകര നാട്ടുകല്‍ ഓവുപാലത്തിന് സമീപം ചേങ്ങോടന്‍ മൊയ്തുക്കുട്ടിയുടെ ഭാര്യ നഫീസയാണ് മരിച്ചത്. മകന്‍ റഫീഖിന് പരുക്കേറ്റു. റഫീഖാണ് കാര്‍ ഓടിച്ചിരുന്നത്.

ഇന്ന് ഉച്ചയ്ക്ക് 12ഓടെയായിരുന്നു അപകടം. നാട്ടുകല്ലില്‍ നിന്നും മകളുടെ വീടായ ആലിപ്പറമ്പിലേക്ക് പോകുമ്പോഴാണ് നഫീസയും മകനും അപകടത്തില്‍ പെട്ടത്.

കരിങ്കല്ലത്താണി കാമ്പുറം റോഡിലെ പള്ളിക്കുന്ന് ഭാഗത്ത് വെച്ചാണ് അപകടമുണ്ടായത്.