Violence against women in cinema
സിനിമ രംഗത്തെ സ്ത്രീകളുടെ പ്രശ്‌നങ്ങള്‍; മന്ത്രിയുടെ നേതൃത്വത്തില്‍ ഇന്ന് യോഗം
സര്‍ക്കാര്‍ തയാറാക്കുന്ന പുതിയ നിയമത്തിന്റെ കരട് പ്രധാന ചര്‍ച്ചാ വിഷയം
തിരുവനന്തപുരം സിനിമാ രംഗത്ത് സ്ത്രീകള്‍ അനുഭവിക്കുന്ന വിവിധ പ്രശ്‌നങ്ങള്‍ ചര്‍ച്ച ചെയ്യുന്നതിനായി സാംസ്‌കാരികമന്ത്രി സജി ചെറിയാന്‍ വിളിച്ചുചേര്‍ത്ത യോഗം ഇന്ന്. സിനിമാ രംഗത്തെ സംഘടനകളായ അമ്മ, മാക്ട, ഫെഫ്ക, ഡബ്ല്യു സി സി, ഫിലിം ചേമ്പര്‍, പ്രൊഡ്യൂസേഴ്സ് അസോസിയേഷന്‍ തുടങ്ങിയ സംഘടനകളുടെ പ്രതിനിധികള്‍ സംബന്ധിക്കും. രാവിലെ 11-ന് തിരുവനന്തപുരത്താണ് യോഗം.
ജസ്റ്റിസ് ഹേമ കമ്മിറ്റിയുടെയും അടൂര്‍ ഗോപാലകൃഷ്ണന്‍ കമ്മിറ്റിയുടെയും ശിപാര്‍ശകളുടെ അടിസ്ഥാനത്തില്‍ സര്‍ക്കാര്‍ തയാറാക്കിയ നിയമത്തിന്റെ കരടാണ് പ്രധാന ചര്‍ച്ചാ വിഷയം. ചലച്ചിത്ര അക്കാദമി, ചലച്ചിത്ര വികസന കോര്‍പറേഷന്‍, സാംസ്‌കാരിക ക്ഷേമനിധി തുടങ്ങിയവയുടെ ഭാരവാഹികളും സര്‍ക്കാര്‍ പ്രതിനിധികളും ചര്‍ച്ച ചെയ്താണ് കരടു നിയമത്തിനു രൂപം നല്‍കിയത്.
അതേസമയം ഹേമ കമ്മിറ്റി റിപ്പോര്‍ട്ട് പുറത്ത് വിടരുതെന്ന് ഡബ്ല്യു സി സി ആവശ്യപ്പെട്ടെന്ന പി രാജീവിന്റെ പരാമര്‍ശത്തിനെതിരെ യോഗത്തില്‍ പ്രതിനിധികള്‍ പ്രതിഷേധം അറിയിച്ചേക്കും.
Latest
കോണ്‍ഗ്രസ് ഹര്‍ത്താലുമായി സഹകരിക്കില്ല; നാളെ കടകള്‍ തുറക്കുമെന്ന് വ്യാപാരികള്‍
വർഗീയതക്കെതിരായ പോരാട്ടത്തിൽ എല്ലാവരും ഒന്നിച്ചു നിൽക്കണം: സ്പീക്കർ
ചേവായൂർ സഹകരണ ബാങ്ക് തിരഞ്ഞെടുപ്പിൽ സിപിഎം പിന്തുണയോടെ കോൺഗ്രസ് വിമതർക്ക് ജയം
എസ് വൈ എസ് മാനവ സഞ്ചാരത്തിന് പ്രൗഢമായ തുടക്കം
വർഗീയതയോട് വിട്ടുവീഴ്ചയില്ലാത്ത നിലപാട് സ്വീകരിക്കണം: എസ് വൈ എസ്
നഴ്‌സിങ് വിദ്യാര്‍ഥിനിയുടെ മരണം; കെട്ടിടത്തിന് മുകളില്‍ നിന്ന് ചാടി ജീവനൊടുക്കുകയായിരുന്നുവെന്ന് പ്രാഥമിക നിഗമനം
