വനിത ലോകകപ്പ്: ഇംഗ്ലീഷ് പടയെ വിറപ്പിച്ച് ഇന്ത്യൻ തുടക്കം

കേപ്ടൗണ്‍ | ഐ സി സി വനിത ലോകകപ്പ് സെമി ഫൈനല്‍ ബര്‍ത്തുറപ്പിക്കാനായി കളത്തിലിറങ്ങിയ ഇംഗ്ലണ്ടിന് ബാറ്റിംഗ് തകര്‍ച്ച. ടോസ് ലഭിച്ച ഇന്ത്യ ബോളിംഗ് തിരഞ്ഞെടുക്കുകയായിരുന്നു. നായിക ഹര്‍മന്‍ പ്രീത് കൗറിന്റെ തീരുമാനം ശരിവെക്കുന്ന തരത്തില്‍ ബോളര്‍മാര്‍ ആദ്യ അഞ്ച് ഓവറില്‍ 29 റണ്‍സ് എടുക്കുന്നതിനിടെ മൂന്ന് വിക്കറ്റുകള്‍ വീഴ്ത്തി.

ഓപണിംഗ് ബോളര്‍ രേണുക സിംഗാണ് ഇന്ത്യക്ക് മികച്ച തുടക്കം നല്‍കിയത്. മൂന്ന് ഓവറില്‍ 12 റണ്‍സ് വിട്ടുകൊടുത്ത് മൂന്ന് ഇംഗ്ലീഷ് താരങ്ങളെയും പവലിയനിലേക്ക് അയച്ചത് രേണുകയാണ്. 10 ഓവറില്‍ 72 റണ്‍സ് എന്ന നിലയിലാണ് ഇംഗ്ലീഷ് പട.