ബംഗ്ലുരുവില്‍ നിന്നു സ്ത്രീകളെ എത്തിച്ചു പെണ്‍വാണിഭം; രണ്ടുപേര്‍ പിടിയില്‍

കോഴിക്കോട് | സ്ത്രീകളെ ലോഡ്ജുകളില്‍ പാര്‍പ്പിച്ച് പെണ്‍വാണിഭം നടത്തിയ രണ്ടുപേര്‍ പിടിയില്‍.

ബംഗളൂരുവില്‍ നിന്ന് സ്ത്രീകളെ കടത്തിക്കൊണ്ടുവന്നാണ് ഇവര്‍ നഗരത്തിലെ വിവധ ലോഡ്ജുകള്‍ പാര്‍പ്പിച്ചിരുന്നത്. മലപ്പുറം വള്ളിക്കുന്ന് സ്വദേശി സനീഷ്, പാലക്കാട് ആലത്തൂര്‍ സ്വദേശി ഷമീര്‍ എന്നിവരെയാണ് കസബ പോലീസ് അറസ്റ്റുചെയ്തത്. രഹസ്യവിവരത്തിന്റെ അടിസ്ഥാനത്തില്‍ നടത്തിയ പരിശോധനയിലായിരുന്നു പെണ്‍വാണിഭസംഘം പിടിയിലായത്.

ഇടപാടുകാരായി ലോഡ്ജില്‍ എത്തിയിരുന്ന മൂന്നു പേരെയും പോലീസ് അറസ്റ്റ് ചെയ്തിരുന്നു. കടത്തിക്കൊണ്ടുവന്ന ബംഗളൂരു സ്വദേശികളായ രണ്ടു സ്ത്രീകളെ ബന്ധുക്കളെ ഏല്‍പ്പിച്ചു.