Books
വാക്കുകളുടെ കര, കടല്‍, ആകാശം; എം ലുഖ്മാന്റെ പുസ്തക പ്രകാശനം ചെയ്തു
അറബി, ഇംഗ്ലീഷ് ഭാഷകളിലെ പ്രധാനപ്പെട്ട മുന്നൂറ് എഴുത്തുകാരുടെ ജീവിതവും എഴുത്തും വിശദമായി പ്രതിപാദിക്കുന്ന പുസ്തകം മലയാളിയുടെ ആഗോള വായനയെ ആഴത്തില്‍ അടയാളപ്പെടുത്തുന്ന രചനയാണ്.
മാജിക് മൂൺ പബ്ലിഷേഴ്സ് പ്രസിദ്ധീകരിച്ച 'വാക്കുകളുടെ കര, കടൽ, ആകാശം' ഷാർജ അന്താരാഷ്ട്ര പുസ്തകോത്സവത്തിൽ കുഴൂർ വിത്സൻ, മുഹമ്മദ് പല്ലാറിന് നൽകി പ്രകാശനം ചെയ്യുന്നു.
ഷാര്‍ജ | എം. ലുഖ്മാന്‍ രചിച്ച പുസ്തകം “വാക്കുകളുടെ കര, കടല്‍, ആകാശം; ഒരു പുസ്തകസ്നേഹിയുടെ ആത്മരഹസ്യങ്ങള്‍” ഷാര്‍ജ അന്താരാഷ്ട്ര പുസ്തകമേളയില്‍ പ്രകാശനം ചെയ്തു. ഡല്‍ഹി ആസ്ഥാനമായി പ്രവർത്തിക്കുന്ന മാജിക് മൂണ്‍ പബ്ലിഷേഴ്സ് ആണ് പ്രസാധകര്‍.
പുസ്തകമേളയിലെ ഫോറം രണ്ട് കോൺഫറൻസ് ഹാളിൽ നടന്ന പ്രൗഢമായ ചടങ്ങില്‍ കവിയും മാധ്യമ പ്രവർത്തകനുമായ കുഴൂർ വിത്സൻ, ഫുജൈറ യൂണിവേഴ്സിറ്റി ഓഫ് സയൻസ് ആൻഡ് ടെക്നോളജി ലൈബ്രറിയൻ മുഹമ്മദ് പല്ലാറിന് നൽകി പുസ്തകം പ്രകാശനം ചെയ്തു. ഗ്രന്ഥകാരന്‍ എം. ലുഖ്മാനുമായി മാധ്യമ പ്രവര്‍ത്തകന്‍ കെ. എം അബ്ബാസ് സംഭാഷണം നടത്തി.
അറബി, ഇംഗ്ലീഷ് ഭാഷകളിലെ പ്രധാനപ്പെട്ട മുന്നൂറ് എഴുത്തുകാരുടെ ജീവിതവും എഴുത്തും വിശദമായി പ്രതിപാദിക്കുന്ന പുസ്തകം മലയാളിയുടെ ആഗോള വായനയെ ആഴത്തില്‍ അടയാളപ്പെടുത്തുന്ന രചനയാണ്.
ചടങ്ങില്‍ ഡോ. നാസര്‍ വാണിയമ്പലം, ശരീഫ് കാരശ്ശേരി, യഹ്‌യ സഖാഫി, റുഷ്‌ദി ബിൻ റഷീദ്, സലാം സഖാഫി, സി.പി സ്വാദിഖ്‌ നൂറാനി, സഹർ അഹ്മദ്, അക്ബർ അലി മാജിക് മൂണ്‍ പബ്ലിഷേഴ്സ് ഡയറക്ടർമാരായ സയ്യിദ് മിഹ്റാജ്, യാസര്‍ അറഫാത്ത്, മുഹ്സിന്‍ റയ്യാന്‍ പങ്കെടുത്തു.
Latest
സ്‌കൂളിലെ കിണറ്റില്‍ വീണ് വിദ്യാര്‍ഥിക്ക് പരുക്കേറ്റ സംഭവത്തില്‍ ഇടപെട്ട് വിദ്യാഭ്യാസ വകുപ്പ്
എഡിഎമ്മിന്‍റെ മരണം; യാത്രയയപ്പ് ഒരുക്കിയതില്‍ ഗൂഢാലോചന: കണ്ണൂർ കലക്ടർക്കെതിരായ മൊഴിയിൽ ഉറച്ച് കുടുംബം
ഹിസ്ബുല്ലയുമായുള്ള ഏറ്റുമുട്ടലിൽ ആറ് ഇസ്റാഈൽ സൈനികർ കൊല്ലപ്പെട്ടു
വാട്‌സ് ആപ്പ് നിരോധിക്കണമെന്ന് ആവശ്യപ്പെട്ട് സമർപ്പിച്ച ഹരജി സുപ്രീം കോടതി തള്ളി
പൊന്മുടിയിൽ കാർ നിയന്ത്രണംവിട്ട് മറിഞ്ഞ് അപകടം; മൂന്ന് വിദ്യാർഥികൾക്ക് പരുക്ക്
ഇന്ന്‌ ലോക പ്രമേഹ ദിനം; പഞ്ചസാര മാത്രമല്ല, ഈ ഭക്ഷണങ്ങളും നിങ്ങളെ പ്രമേഹ രോഗിയാക്കാം...
