National
ജോലി സമ്മര്‍ദം; വിഷാദ രോഗബാധിതനായ യുവാവ് ജീവനൊടുക്കി
വിഷാദ രോഗത്തിന്റെ പിടിയിലായിരുന്നു സ്വകാര്യ സ്ഥാപനത്തില്‍ സോഫ്റ്റ്വെയര്‍ എന്‍ജിനീയറായിരുന്ന കാര്‍ത്തികേയന്‍.
ചെന്നൈ | ജോലിയിലുള്ള സമ്മര്‍ദം താങ്ങാനാവാതെ തമിഴ്‌നാട് തേനി സ്വദേശി ആത്മഹത്യ ചെയ്തു. 38-കാരനായ കാര്‍ത്തികേയനാണ് സ്വയം ഷോക്കേല്‍പ്പിച്ച് ജീവിതം അവസാനിപ്പിച്ചത്. വിഷാദ രോഗത്തിന്റെ പിടിയിലായിരുന്നു സ്വകാര്യ സ്ഥാപനത്തില്‍ സോഫ്റ്റ്വെയര്‍ എന്‍ജിനീയറായിരുന്ന കാര്‍ത്തികേയന്‍.
കഴിഞ്ഞ തിങ്കളാഴ്ച സുഹൃത്തുക്കള്‍ക്കൊപ്പം ആരാധനാലയങ്ങള്‍ സന്ദര്‍ശിക്കാന്‍ പോയി തിരിച്ചെത്തിയ ഭാര്യ ജയന്തിയാണ് കാര്‍ത്തികേയനെ വീട്ടില്‍ മരിച്ച നിലയില്‍ കണ്ടെത്തിയത്.
ജയന്തി എത്തിയപ്പോള്‍ വീട് അകത്തുനിന്ന് പൂട്ടിയ നിലയിലായിരുന്നു. വാതിലില്‍ മുട്ടിയിട്ടും ആരും തുറക്കാതായതോടെ തന്റെ കൈവശമുള്ള താക്കോല്‍ ഉപയോഗിച്ച് പൂട്ട് തുറന്ന് ജയന്തി അകത്തുകയറി നോക്കിയപ്പോഴാണ് കാര്‍ത്തികേയനെ അബോധാവസ്ഥയില്‍ കണ്ടത്. ശരീരം മുഴുവന്‍ കേബിള്‍ ചുറ്റിയ നിലയിലായിരുന്നു. ജയന്തി ഉടന്‍ തന്നെ അയല്‍ക്കാരെയും പോലീസിനെയും വിവരം അറിയിച്ചു. ആശുപത്രിയിലെത്തിച്ചെങ്കിലും രക്ഷിക്കാനായില്ല. അസ്വാഭാവിക മരണത്തിന് പോലീസ് കേസെടുത്തു.
Latest
സി പി ഐ ബ്രാഞ്ച് സെക്രട്ടറിയെ പാര്‍ട്ടി പുറത്താക്കി
വടകര കാഫിര്‍ സ്‌ക്രീന്‍ ഷോട്ട്: ഈമാസം 25നകം റിപോര്‍ട്ട് സമര്‍പ്പിക്കണമെന്ന് പോലീസിനോട് കോടതി
പാരമ്പര്യമാണ് ഇസ്‌ലാമിന്റെ ആത്മാവ്: ഇന്ത്യന്‍ ഗ്രാന്‍ഡ് മുഫ്തി
മദ്യപന്‍ ഓടിച്ച കാറിടിച്ചു; രണ്ട് കാല്‍നടയാത്രക്കാര്‍ മരിച്ചു
നഴ്സിംഗ് വിദ്യാര്‍ഥിയുടെ മരണം: സഹപാഠികളെ റിമാന്‍ഡ് ചെയ്തു
പ്രശസ്ത സാഹിത്യകാരന്‍ ഓംചേരി എന്‍ എന്‍ പിള്ള അന്തരിച്ചു
