ശൈഖ് ഖലീഫയുടെ വേർപാടിൽ അനുശോചിച്ച് ലോക നേതാക്കൾ

അബുദബി | ശൈഖ് ഖലീഫ ബിൻ സായിദ് അൽ നഹ്‌യാന്റെ നിര്യാണത്തിൽ ലോക നേതാക്കൾ അനുശോചിച്ചു. ശൈഖ് ഖലീഫയുടെ നിര്യാണത്തിൽ യു എ ഇയിലെ യുഎൻ ഓഫീസുകൾ അനുശോചനം രേഖപ്പെടുത്തി. തന്റെ ജനങ്ങളുടെയും ജന്മനാടിന്റെയും അറബ്-ഇസ്ലാമിക രാഷ്ട്രത്തിന്റെയും സേവനത്തിൽ സമർപ്പണം നിറഞ്ഞ ജീവിതത്തിന് ശേഷമാണ് ശൈഖ് ഖലീഫ വിടവാങ്ങിയതെന്ന് ജിസിസി സെക്രട്ടറി ജനറൽ നായിഫ് അൽ ഹജ്‌റഫ് യു എ ഇ ഭരണാധികാരികൾക്കും ജനങ്ങൾക്കും അയച്ച സന്ദേശത്തിൽ പറഞ്ഞു. ശൈഖ് ഖലീഫയുടെ മരണത്തിൽ മൂന്ന് ദിവസത്തെ ദുഃഖാചരണം പ്രഖ്യാപിച്ചതായി ബഹ്‌റൈൻ റോയൽ കോർട്ട് പുറത്തിറക്കിയ പ്രസ്താവനയിൽ പറഞ്ഞു.

എച്ച്എച്ച് ഷെയ്ഖ് ഖലീഫ ബിൻ സായിദിന്റെ വിയോഗവാർത്തയറിഞ്ഞതിൽ അങ്ങേയറ്റം ദുഃഖിക്കുന്നുവെന്ന് പ്രധാനമന്ത്രി നരേന്ദ്രമ മോദി ട്വീറ്റ് ചെയ്തു. മഹാനായ രാഷ്ട്രതന്ത്രജ്ഞനും നേതാവുമായിരുന്ന അദ്ദേഹത്തിന്റെ കീഴിൽ  ഇന്ത്യ-യു.എ.ഇ ബന്ധം അഭിവൃദ്ധി പ്രാപിച്ചതായും മോദി അനുസ്മരിച്ചു.