ഷവോമി 12 പ്രോ സ്മാര്‍ട്ട്‌ഫോണ്‍ അവതരിപ്പിച്ചു; വിലയും സവിശേഷതകളും

ന്യൂഡല്‍ഹി| ഷവോമി 12 പ്രോ വിപണിയില്‍ അവതരിപ്പിച്ചു. 2022-ന്റെ തുടക്കത്തില്‍ ഷവോമിയുടെ ഏറ്റവും മികച്ച സ്മാര്‍ട്ട്‌ഫോണ്‍ ആയിരിക്കുമിത്. 120 വാട്സ് ചാര്‍ജിംഗ്, ഒരു സ്നാപ്ഡ്രാഗണ്‍ 8 ജനറേഷന്‍ 1 ചിപ്പ്, ഏറ്റവും പുതിയ സോണി ഐഎംഎക്‌സ്707 കാമറ സെന്‍സര്‍ എന്നിവയുള്‍പ്പെടെ ആകര്‍ഷകമായ സവിശേഷതകള്‍ ഈ സ്മാര്‍ട്ട് ഫോണിനുണ്ട്. ഇതിന് 120 എച്ച്‌സെഡ് ഡിസ്‌പ്ലേ, എല്‍പിഡിഡിആര്‍5 റാം, യുഎഫ്എസ് 3.1 എന്നിവയുണ്ട്. നിലവില്‍ ചൈനയില്‍ മാത്രം പ്രദര്‍ശിപ്പിച്ചിരിക്കുന്ന 12 പ്രോ വൈകാതെ മറ്റ് വിപണികളില്‍ അവതരിപ്പിക്കുമെന്ന് കമ്പനി അറിയിച്ചു. ഇന്ത്യയില്‍ ജനുവരിയില്‍ തന്നെ ഫോണിന്റെ അവതരണം പ്രതീക്ഷിക്കുന്നു.

ഫോണിന് 480 എച്ച്‌സെഡ് ടച്ച് സാംപ്ലിംഗ് നിരക്ക്, 1,440 എക്‌സ് 3,200 പിക്സല്‍ റെസലൂഷന്‍ എന്നിവയുള്ള 6.73 ഇഞ്ച് ഡിസ്പ്ലേയുണ്ട്. അമോലെഡ് പാനലിന് അതിന്റെ നീളമുള്ള അരികുകളില്‍ ഒരു ചെറിയ വളവ്, ഒരു എല്‍ടിപിഒ ബാക്ക്‌പ്ലെയ്ന്‍, ഇന്‍-ഡിസ്‌പ്ലേ ഫിംഗര്‍പ്രിന്റ് സ്‌കാനര്‍ എന്നിവയും ഉണ്ട്. കൂടാതെ, 120 ഡബ്ല്യുവയര്‍ഡ് ചാര്‍ജിംഗും 50 വാട്സ് വയര്‍ലെസ് ചാര്‍ജിംഗും പിന്തുണയ്ക്കുന്ന 4,600 എംഎഎച്ച് ബാറ്ററി സംയോജിപ്പിച്ചിരിക്കുന്നു.

വയര്‍ലെസ് ആയി 10 വാട്സ് വരെ റീചാര്‍ജ് ചെയ്യാന്‍ സാധിക്കും. കാമറയുടെ കാര്യത്തില്‍ മൂന്ന് 50 എംപി പിന്‍ കാമറകളും ഒപ്പം 32 എംപി ഫ്രണ്ട് ഫേസിംഗ് കാമറയും ഉണ്ട്. എഫ്/1.9 അപ്പേര്‍ച്ചറുള്ള 1/1.28 ഇഞ്ച് കാമറ സെന്‍സറായ സോണി ഐഎംഎക്‌സ്707 അവതരിപ്പിക്കുന്ന ആദ്യത്തെ സ്മാര്‍ട്ട്‌ഫോണ്‍ കൂടിയാണിത്. ഇതിലൊരു സമര്‍പ്പിത സൂം ലെന്‍സ് ഇല്ല, പകരം അത് പോര്‍ട്രെയ്റ്റിനെയും അള്‍ട്രാ-വൈഡ് ആംഗിള്‍ കാമറകളെയും ആശ്രയിക്കുന്നു.

8 ജിബി റാമും 128 ജിബി സ്റ്റോറേജും ഉള്ള ഫോണ്‍ നാല് നിറങ്ങളില്‍ ലഭ്യമാണ്. കൂടാതെ 12 ജിബി റാമും 256 ജിബി സ്റ്റോറേജും ഉണ്ട്. അടിസ്ഥാന മോഡലിന് ഇപ്പോള്‍ പ്രഖ്യാപിക്കപ്പെട്ട ചൈനീസ് വില പ്രകാരം 54965 രൂപയാണ് വരുന്നത്. ഇത് ഇന്ത്യയില്‍ എത്തുമ്പോള്‍ മാറാന്‍ സാധ്യതയുണ്ട്.