rain precast
കോഴിക്കോട്, വയനാട്, കണ്ണൂര്, കാസര്കോട് ജില്ലകളില് യെല്ലോ അലര്ട്ട് തുടരുന്നു
ജാഗ്രത തുടരാന് നിര്ദ്ദേശം
തിരുവനന്തപുരം | കോഴിക്കോട്, വയനാട്, കണ്ണൂര്, കാസര്കോട് ജില്ലകളില് യെല്ലോ അലര്ട്ട് തുടരുന്നു. നാളെയും ഈ ജില്ലകളില് യെല്ലോ അലര്ട്ടായിരിക്കും. തീവ്ര, അതിതീവ്ര മഴ മുന്നറിയിപ്പുകള് നിലവില് ഇല്ലെങ്കിലും ജാഗ്രത തുടരാനാണ് നിര്ദേശം.
വടക്കന് ജില്ലകളില് ശക്തമായ മഴ തുടരാന് സാധ്യതയുണ്ട്. കഴിഞ്ഞ ദിവസങ്ങളില് കനത്ത മഴ പെയ്ത പ്രദേശങ്ങളില് അതീവ ജാഗ്രത വേണം. ഉരുള്പൊട്ടല്, മണ്ണിടിച്ചില്, മലവെള്ളപ്പാച്ചില് സാധ്യതാ പ്രദേശങ്ങളില് നിന്ന് ആളുകള് മാറി താമസിക്കണം. കേരളാ തീരത്ത് നാളെ ഉയര്ന്ന തിരമാലകള്ക്ക് സാധ്യത ഉണ്ട്. കള്ളകടല് മുന്നറിയിപ്പുമുണ്ട്. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കണമെന്നും നിര്ദ്ദേശമുണ്ട്.
---- facebook comment plugin here -----